Поспех берасцейскiх лялечнiкаў вымушае ламаць традыцыi мiжнародных тэатральных фестываляў
Заслужаны калектыў Беларусi Брэсцкi тэатр лялек паспяхова прадэманстраваў сваё мастацтва на трох мiжнародных фестывалях.
Славенiю берасцейцы адкрылi для сябе яшчэ ў 2005 годзе. Тады яны паказалi ў Любляне i ў Марыборы спектакль-батлейку «Рыгорка – ясная зорка» вядомага нашага паэта i драматурга А.Вярцiнскага. Гэтая работа атрымала самую каштоўную i адзiную ўзнагароду фэсту ў Марыборы – дыплом «25 Залатых зорак», якi прысуджае лепшаму спектаклю дзiцячае журы. Уражанне ад убачанага было такiм моцным, што арганiзатары сёлетнiх фестываляў у гэтых гарадах папрасiлi зноў прывезцi да iх таго ж «Рыгорку» i спектакль для самых маленькiх «Чырвоная Шапачка».
Вельмi аўтарытэтны Мiжнародны фэст тэатраў лялек «PiF» у Заграбе, сталiцы Харватыi, мае 42-гадовую гiсторыю i з’яўляецца адным са старэйшых у Еўропе. Ён збiрае тэатры лялек з усяго свету, i ўжо сам удзел у яго праграме сведчыць пра мастацкую сталасць калектыву. Летась брэсцкi тэатр упершыню ўдзельнiчаў у iм са спектаклем «Халстамер» Л. Талстога i атрымаў адзiн з галоўных прызоў.
— Сёлета мы зноў былi запрошаны на «PiF», — распавёў дырэктар — мастацкi кiраўнiк тэатра Мiхаiл Шавель. – Гэта ў нейкай ступенi парушэнне традыцый, бо ў праграме гэтага фэсту тэатр можа выступаць не часцей, чым раз у тры гады. Але дырэкцыя, уражаная летась творчасцю берасцейцаў, зноў паставiла ў афiшу наш спектакль – на гэты раз «Месяц Сальеры» паводле А.Пушкiна. Арганiзатары не пашкадавалi, што зрабiлi такi крок. Артысты iгралi з неверагоднай аддачай. Мiжнароднае журы, якое павiнна захоўваць нейтралiтэт i не паказваць свае адносiны да прагледжанага спектакля, доўга апладзiравала разам з усёй перапоўненай гледачамi залай. Навiна, што менавiта нашаму спектаклю прысуджаны Гран-пры i прыз за дасягненнi ў мастацтве, дагнала нас у дарозе дадому. Такога, каб адзiн тэатр атрымлiваў адразу дзве галоўныя ўзнагароды, не было яшчэ нi разу за ўсе дзесяцiгоддзi iснавання фэсту!
А берасцейскiя лялечнiкi зноў збiралiся ў дарогу. На гэты раз у Расiю, у Омск, на 1-ы Мiжнародны фестываль тэатраў лялек «У гасцях у «Арлекiна», куды быў запрошаны спектакль «Месяц Сальеры».
Тэатр гэтага сiбiрскага горада добра вядомы берасцейскiм гледачам. Ён тры цi чатыры разы выступаў на «Белай Вежы». Гэта адзiн з самых вядомых i старэйшых расiйскiх тэатраў, з якiм берасцейскiх лялечнiкаў звязвае даўняе сяброўства. Паездка брэсцкiх артыстаў у Омск адбылася дзякуючы падтрымцы абласнога выканаўчага камiтэта, якi палiчыў, што такая сяброўская сутрэча ёсць канкрэтнае напаўненне дамовы, якая падпiсана памiж Омскай губерняй i Беларуссю.
I берасцейцы годна прадставiлi беларускае лялечнае мастацтва, заваявалi адразу два ганаровыя дыпломы. Але самы галоўны вынiк, магчыма, даражэйшы за ўсе ўзнагароды, – шчырае захапленне омскiх гледачоў i ўдзячнасць за сустрэчу з сапраўдным мастацтвам.
На здымку: артысты Брэсцкага тэатра лялек.
Фота: Рыгор БАКIЕВIЧ