bresttheatre.infoУ тэатры лічаць, што аскетычная пляцоўка салдацкага клуба вельмі падыходзіць да атмасферы спектакля, падзеі ў якім адбываюцца ў пачатку зімы 1942 года, калі ішлі самыя адказныя баі за Сталінград.
Прэм’ера спектакля «Пайсці і не вярнуцца» адбылася ў кастрычніку 2012 года. Усяго было сыграна 30 спектакляў. На чатыры гады драматычная балада была выключана з рэпертуару тэатра. І вось зусім нядаўна яе аднавілі. Прычым у тым жа акцёрскім складзе: галоўныя ролі выконваюць Аляксей Шчарбакоў і Таццяна Васількова. Іх героі — звычайныя людзі, якія аказваюцца перад маральным выбарам ў адзін з самых драматычных момантаў жыцця.
У горад з партызанскага атрада ідуць Антон Галубін і зусім юная Зося Нарэйка. Антон ужо стары партызан, які не раз бываў у небяспечных сітуацыях. Але раптам ён ламаецца. Жадаючы выжыць любой цаной, Антон спрабуе ўгаварыць Зосю здацца немцам, каб пажыць спакойным жыццём. Зося адмаўляецца. Яна шкадуе, што паверыла Антону, і цяпер гатова ісці на смерць, але толькі не здрадзіць тым, хто даверыўся ёй.
