Кожны жнівень франкамоўныя акцёры з усіх куткоў свету прыязджаюць у Беларусь, каб удасканаліць акцёрскае майстэрства. На працягу месяца артысты з Францыі, Канады, Ірландыі, Туніса, Алжыра і Марока працуюць над майстэрствам акцёра, вакалам, танцам, акрабатыкай, сцэнічнай мовай і г. д. У канцы экспрэс-стажыроўкі ўдзельнікі праекта прадстаўляюць на суд гледачоў выніковы канцэрт-капуснік, які складаецца з вакальных, танцавальных і драматычных нумароў.
Чарговы тэатральны канцэрт «Французскія канікулы» адбудзецца 28 жніўня на галоўнай сцэне Рэспубліканскага тэатра беларускай драматургіі. Арганізатары запрашаюць на яго ўсіх, хто ўжо знаёмы з праектам ці толькі хацеў бы з ім пазнаёміцца, усіх аматараў французскай культуры і тых, хто вывучае французскую мову або толькі пачынае ёю цікавіцца. Драматычныя эцюды будуць суправаджацца сінхронным перакладам на рускую мову.
mila@sb.by
