Таленавітыя ва ўсім

Фальклорны калектыў Агародніцкага Дома культуры — адзін з тых, што сёлета прадставіць Калінкавіцкі раён на фестывалі «Зов Полесья».

— Усе ўдзельнікі калектыву — людзі, адданыя сваёй любімай справе, таленавітыя ва ўсім, — расказвае пра калег дырэктар Дома культуры Святлана Пугач. — Бібліятэкар Любоў Яраш захапляецца даўніной, збірае і аднаўляе старыя рэчы. Яна абсталявала ў Доме культуры этнаграфічны куток. Марыя Камарэнка — вышывальшчыца — вышыла касцюмы кожнаму ў нашым калектыве. І пры гэтым кожнаму падабрала свой малюнак, ніводны не паўтарыла. 76-гадовая Алеся Гойчык і 80-гадовы Якаў Чарняк (на здымку) — самая старая танцавальная пара. Але запалам і спрытнасцю могуць падзяліцца нават з моладдзю.

У рэпертуары артыстаў не толькі народныя песні і танцы, але і цікавыя старажытныя абрады, якімі яны радуюць і аднавяскоўцаў, і жыхароў раёна на шматлікіх канцэртах і выступленнях.

Юлія БАЛЬШАКОВА, «БН»

Фота  Мікалая  БАРЫСЕНКА

 

Заметили ошибку? Пожалуйста, выделите её и нажмите Ctrl+Enter
Версия для печати
Заполните форму или Авторизуйтесь
 
*
 
 
 
*
 
Написать сообщение …Загрузить файлы?