Асаблiвыя дзецi сыграюць на cцэне разам з прафесiйнымi акцёрамi

На сцэне Нацыянальнага акадэмічнага драматычнага тэатра імя М. Горкага 19 снежня адбудзецца прэм'ера спектакля «Такія крохкія мары». Незвычайная яна таму, што свае таленты змогуць прадэманстраваць прафесійныя акцёры тэатра і дзеці з інваліднасцю.



Адчуць сябе сапраўднымі акцёрамі змогуць выхаванцы 9 дамоў-інтэрнатаў для дзяцей з асаблівасцямі псіхафізічнага развіцця і 4 вучэбна-выхаваўчых устаноў закрытага тыпу. П'еса «Такія крохкія мары» створана Аляксандрам Вергуновым.

Спектакль арганізаваны дабрачынным грамадскім аб'яднаннем «Свет без меж» пры падтрымцы Міністэрства працы і сацыяльнай абароны і Міністэрства адукацыі. Акцыя «Вялікае мастацтва рукамі маленькіх людзей» — унікальнае для краіны мерапрыемства. Ужо каторы год да мастацтва далучаюцца дзеткі з асаблівасцямі. За гэты час яны змаглі паспрабаваць сябе ў жывапісе, у вакальным майстэрстве, фотамастацтве…

azanovich@sb.by