Канкурсанты будуць змагацца ў намінацыях «Тэатр танца», «Сучасная харэаграфія», «Эстрадны танец» у некалькіх узроставых катэгорыях. У спецыяльнай намінацыі «Рух сэрцам» выступяць дзеці з парушэннем слыху. Ацэньваць канкурсантаў будзе міжнародная судзейская калегія, якая складаецца з заслужаных харэографаў і дзеячаў культуры Беларусі і Расіі.
Акрамя конкурснай праграмы, удзельнікаў «Zа гранню» чакаюць майстар-класы ад прафесіяналаў з розных краін. Такім чынам фестываль дае таленавітым танцорам магчымасць не толькі паказаць сябе на вялікай сцэне, але і пашырыць прафесійныя сувязі, пачуць каментарыі ад славутых харэографаў. Прыемны бонус — падарункі кожнаму з удзельнікаў. Лаўрэаты першай, другой і трэцяй ступені атрымаюць кубкі і дыпломы, уладальнікі Гра-пры — грашовыя прызы па пяцьсот еўра. Арганізатарамі фестывалю-конкурсу выступаюць маладзёжнае грамадскае аб’яднанне «Продвижение» і прадзюсарскі цэнтр «Менада Групп».
mila@sb.by
