Ацэньваць артыстаў будуць члены прафесійнага журы, сярод якіх, напрыклад, віцэ-прэзідэнт Міжнароднага цыркавога фестывалю ў Монтэ-Карла Урс Пілс. У Мінску ўдзельнікі спаборніцтва пазмагаюцца за Гран-пры, два золата, два срэбра і дзве бронзы, а таксама за прыз глядацкіх сімпатый і прызы грамадскага і дзіцячага журы.
Нагадаем, на першы фестываль цыркавога майстэрства, які праходзіў у Мінску ў мінулым годзе, паступіла больш за 200 заявак з усяго свету.
— Фестываль прайшоў на досыць высокім арганізацыйным узроўні дзякуючы суладнай працы ўсёй каманды і членаў журы, — успамінае дырэктар Белдзяржцырка Уладзімір Шабан. — Чакаецца, што наша свята цыркавога майстэрства зноў атрымаецца маляўнічым і відовішчным, публіка ўбачыць групавыя і сольныя нумары ўсіх жанраў.
mila@sb.by
