У праекце прынялі ўдзел выпускнікі, студэнты і навучэнцы ўстаноў сярэдняй спецыяльнай і вышэйшай адукацыі, работнікі культуры і адукацыі. Конкурс праводзіўся ў намінацыях «Скульптура», «Жывапіс», «Графіка», «Манументальнае і манументальна-дэкаратыўнае мастацтва», «Дэкаратыўна-прыкладное мастацтва», «Навацыя (арт-праект, інсталяцыя)», «Мастацтвазнаўства і мастацкая крытыка», «Куратарскі праект у сферы выяўленчага мастацтва». Лаўрэатаў у кожнай з намінацый журы вызначыць у межах працы экспазіцыі ў Палацы мастацтваў. Наведвальнікі выставы таксама змогуць аддаць свае галасы за твор, які спадабаецца ім найбольш — такім чынам будзе вызначаны пераможца ў намінацыі «Глядацкая сімпатыя».
Імёны пераможцаў аб’явяць 23 жніўня на ўрачыстай цырымоніі ўзнагароджання. Лаўрэаты атрымаюць дыпломы і грашовыя прэміі ў памеры 60 базавых велічынь — крыху больш за 1,5 тысячы беларускіх рублёў.
mila@sb.by
