У агракамбiнаце «Ждановiчы» гатовы прыняць сезонны працоўны дэсант на дзве сотнi чалавек — збiраць яблыкi i грушы.Вакансii на любы густ
Камiтэт па працы, занятасцi i сацыяльнай абароне Мiнгарвыканкама дапамагае грамадзянам уладкавацца на часовыя грамадскiя работы, якiя аплачваюцца.— З пачатку гэтага года на грамадскiх работах было занята больш за 1000 чалавек, з iх 150 — у сялянска-фермерскiх гаспадарках, — патлумачыла карэспандэнту «Р» начальнiк упраўлення занятасцi насельнiцтва камiтэта па працы, занятасцi i сацыяльнай абароне Мiнгарвыканкама Таццяна Кудзевiч. — Наймальнiкi прапануюць работы, якiя не патрабуюць квалiфiкацыi або спецыяльнай падрых-тоўкi, такiя як уборка i добраўпарадкаванне тэрыторый горада i аб’ектаў жыллёва-камунальнай гаспадаркi, будаўнiчыя, падсобныя, сельскагаспадарчыя работы. На гэты год камiтэтам заключана 38 дагавораў з наймальнiкамi. Сярод iх — Мiнскi заапарк, УП «Зелянбуд Фрунзенскага раёна», УП «Зелянбуд Маскоўскага раёна», Цэнтральны батанiчны сад НАН, УП «Спецыялiзаваны камбiнат камунальна-бытавога абслугоўвання», ААТ «Белбакалея», УП «Мiнскзелянбуд», ААТ «Строммаш» i iншыя. Для атрымання накiравання для ўдзелу ў грамадскiх работах, якiя аплачваюцца, дастаткова звярнуцца ў аддзел абслугоўвання грамадзян упраўлення занятасцi насельнiцтва камiтэта з пашпартам цi iншым дакументам, якi сведчыць асобу, i працоўнай кнiжкай (пры яе наяўнасцi). Таксама камiтэт для вырашэння пытанняў часовай занятасцi беспрацоўных грамадзян сфармiраваў банк сезонных работ. На канец жнiўня дзевяць арганiзацый падалі звесткi аб наяўнасцi 262 вакансiй i прапанавалi заработак 20—45 рублёў у дзень.
Хачу працаваць!
У Мiнскiм заапарку часовыя рабочыя прыбiраюць тэрыторыю ў 15 гектараў. За васьмігадзiнны працоўны дзень яны атрымаюць 18 рублёў 11 капеек. Дзень на дзень не выпадае. Сёння ў заапарку працаўладкавана 17 чалавек: падмятаюць лiстоту, высякаюць параснiк на прыступках. Праца знойдзецца круглы год. Напрыклад, зiмой трэба снег прыбiраць.
У Мiнскiм заапарку часовыя рабочыя прыбiраюць тэрыторыю ў 15 гектараў. Людзi розныя, у некаторых ёсць судзiмасцi. У асноўным старэйшага ўзросту, але заўважыў у працоўнай арцелi i маладых хлопцаў. Яны тут, каб атрымаць субсiдыю дзяржавы, якая прадастаўляецца беспрацоўным для адкрыцця IП. Калi беспрацоўны не выканаў месячную норму па ўдзеле ў грамадскiх работах, субсiдыю не дадуць. Дзяржаўная субсiдыя бязвыплатная — вяртаць грошы не трэба. А памер яе не такi i малы: для гараджан — 11 бюджэтаў пражытачнага мiнiмуму, для вяскоўцаў i жыхароў малых гарадоў — 15. Цяпер бюджэт пражытачнага мiнiмуму складае 239 рублёў 87 капеек.
Iншыя накiраваны з бiржы працы, адзiн дзень у месяц адпрацоўваюць на грамадскiх работах, каб не аплачваць «камуналку» па поўным тарыфе. Тых жа, хто зараз прыбiрае тэрыторыю заапарка толькі дзеля заробку, — чалавекi чатыры.
Сёння ў заапарку працаўладкавана 17 чалавек.Калi ў Мiнскiм заапарку дастаткова i двух дзясяткаў часовых работнiкаў, то ў агракамбiнаце «Ждановiчы» гатовы прыняць сезонны працоўны дэсант на дзве сотнi чалавек — збiраць яблыкi i грушы. Толькi яблыневыя сады агракамбiната займаюць 359 гектараў. У садах збiраюць ураджай яблыкаў 30 пастаянных i 20 сезонных работнiкаў. На наступным тыднi iм на падмогу прыйдуць студатрады — больш за 100 чалавек. Людзi, што прыйшлi сюды на грамадскiя работы, якiя аплачваюцца, у гэтых краях рэдкасць. Палявыя работы — гэта не лiстоту зграбаць на газоне. Праца цяжэйшая, але i плацяць больш. 12—14 чалавек адной брыгады за дзень лёгка запаўняюць яблыкамi некалькi дзясяткаў кантэйнераў. Аплата здзельная. За дзень работнiк у сярэднiм збiрае тону яблыкаў i атрымлiвае 30 рублёў.
ikras@sb.by
