Першай буйной кінападзеяй пасля крызісу, выкліканага пандэміяй каронавіруса, стане Венецыянскі фестываль. Ён пройдзе з 2 па 12 верасня. За «Залатога льва» пазмагаюцца 18 фільмаў з розных краін. Не паспеюць падвесці вынікі Венецыянскага фестывалю, а ў Расіі ўжо пачнецца «Кінатаўр». Ён адбудзецца ў Сочы з 11 па 18 верасня. Форум павінен быў прайсці яшчэ ў ліпені, але дату прыйшлося перанесці ў сувязі з каранціннымі мерамі. Адкрые яго анімацыйная стужка Андрэя Хржаноўскага «Нос, ці Змова не такіх», у аснову якой лягла опера «Нос» па матывах аповесці Мікалая Гогаля. А закрые «Кінатаўр» фільм «Дарагія таварышы!» Андрэя Канчалоўскага з Юліей Высоцкай у галоўнай ролі, які расказвае пра расстрэл дэманстрацыі ў Новачаркаску ў 1962 годзе. У конкурснай праграме прымуць удзел 13 карцін. Сярод іх — «Кітабой» Філіпа Юр’ева, «Доктар Ліза» Аксаны Карас, «Умяшанне» Ксеніі Зуевай і іншыя.
mila@sb.by
Фото БЕЛТА
