Пра навінку расказаў дырэктар КУП «Цэнтр інфармацыйных тэхналогій Мінгарвыканкама» Алег Сядзельнік. Ён адзначыў, што на партале таксама будзе размяшчацца актуальная інфармацыя па сістэме ЖКГ і дадатковы канал сувязі праз сацыяльныя сеткі. Акаўнт у Твітары ўжо запушчаны. Зараз яго актыўна развіваюць.
Сам партал «Мой Горад» 115.бел ужо паўтара года прымае скаргі на аказанне жыллёва-камунальных паслуг і гарадскую гаспадарку. На партале зарэгістравана 36,6 тысячы карыстальнікаў. Спецыялісты падлічылі, што асноўныя з іх — ва ўзросце ад 25 да 34 гадоў. Прычым удвая вырасла колькасць заяўніц-жанчын. У кастрычніку 2016 года іх было каля 20%, у сакавіку 2017-га — 52%.
З пачатку працы партала на яго паступіла каля 62,8 тысячы запытаў. Больш за 70% з іх выконваліся і выконваюцца на працягу 7,45 каляндарнага дня. Больш часу патрабуецца на латанне праезнай часткі, ліквідацыю кінутых у дварах аўтамабіляў, рамонт пакрыцця пешаходных дарожак і парковак. Але і іх вырашэнне кантралююць спецыялісты.
Алена КАБАНАВА