Парадак наводзiцца не толькi ўнутры жылога дома, але i на прыдамавой тэрыторыi.
Месца не для хламу
Мiнск. Вулiца Лынькова, 7. У некалькiх пад’ездах дома нязвыкла ажыўлена: з iх выходзяць людзi з шафамi, крэсламi i вялiзнымi пакетамi ў руках. Падобна да маштабнага пераезду. Але гэта толькi здаецца, таму што на людзях спецвопратка работнiкаў ЖЭСа, у руках зламаная мэбля i скрынi з хламам — усё, што пакiдаюць жыхары на агульных, я б сказала, грамадскiх лоджыях. Так работнiкi ЖЭСа № 66 ЖЭУ № 7 Фрунзенскага раёна Мiнска прыводзяць у парадак месца агульнага карыстання ў жылым доме. Разам з iмi ў пад’езд заходжу i я. На шостым паверсе жыхары пазбавiлiся (гэта значыць перанеслi са сваёй кватэры на агульную тэрыторыю) ад аконных рам, разламаных дзвярных налiчнiкаў, кухоннага столiка. Паверхам вышэй каля лiфта хтосьцi клапатлiва пакiнуў навясную кухонную шафку. У суседнiм пад’ездзе агульны «ўлоў» складаецца з аўтамабiльных шын, будаўнiчых матэрыялаў i веласiпеда. Таксама тут я ўбачыла адзежную шафу, пластыкавыя лаўкi, фарбу для сцен. Гэта, не лiчачы шматлiкiх пакетаў з рыззём, дробным будаўнiчым смеццем i драўлянымi дошкамi рознага памеру. I прыкладна такi набор знойдзецца амаль у кожным жылым шматкватэрным доме. Нават у пяцiпавярховiках, дзе, акрамя лесвiчных пралётаў, асаблiва i не разгорнешся.
Часам агульныя лоджыі выглядаюць так.— Лоджыi, гарышчы, падвалы i iншыя месцы агульнага карыстання нельга захламляць, — удакладняе майстар участка Iван Жукоўскi. — Тут забаронена назапашваць смецце, захоўваць выбуховыя i вогненебяспечныя рэчывы i матэрыялы.
Аднак бачу, што гэтыя патрабаваннi жыхары не асаблiва выконваюць. Iнакш адкуль у пад’ездах i падвалах столькi барахла, якому месца толькi на сметнiку? Некаторыя ўмудраюцца захоўваць на грамадскiм балконе нават гаруча-змазачныя матэрыялы. Пры мне жыхар дома ўзгадаў аб ёмiстасцi з маторным маслам i забраў яе ў кватэру. Задумаўся ён пра тое, што любая iскра на балконе або непатушаная цыгарэта — i можа здарыцца непапраўнае.
Парадак перш за ўсё
Дарэчы, аб будучай генеральнай уборцы месцаў грамадскага карыстання жыхароў папярэджваюць загадзя — развешваюць аб’явы на дошках iнфармавання каля пад’ездаў.Акрамя таго, трэба разумець, што месцы агульнага карыстання работнiкi камунальных службаў чысцяць не адразу. Спачатку правяраюць санiтарны стан лоджый, падвалаў, гарышчаў i лесвiчных пляцовак.
Уборка месцаў агульнага карыстання для камунальнікаў — справа звыклая.— Мы гэта робiм прыкладна чатыры разы на год, — удакладняе Iван Жукоўскi. — На балансе ЖЭСа — 47 шматкватэрных дамоў. З усiмi жыхарамi спрабуем узаемадзейнiчаць, тлумачым iм, што нельга захламляць месцы агульнага карыстання.
Той, хто парушае патрабаваннi, атрымлiвае прадпiсанне аб лiквiдацыi выяўленых парушэнняў. Калi жыхар iгнаруе дадзенае прадпiсанне, яму пагражае штраф — да 30 базавых велiчынь.
— Цяпер у Мiнску праходзiць вясновы месячнiк па добраўпарадкаваннi, — удакладняе намеснiк дырэктара КУП «ЖКГ № 2 Фрунзенскага раёна Мiнска» Дзянiс Марыняка. — Парадак наводзiцца не толькi ўнутры жылога дома, але i на прыдамавой тэрыторыi. У добраўпарадкаваннi i навядзеннi парадку бяруць удзел не толькi камунальныя службы, але i неабыякавыя грамадзяне, працоўныя калектывы. Аб месцах правядзення суботнiкаў можна даведацца на афiцыйным сайце прадпрыемства, тэлеграм-канале, вайбер-чаце i на дошках iнфармавання жылых дамоў. Да 1 мая на тэрыторыi, за якую адказвае наша арганiзацыя, плануецца адрамантаваць 5000 квадратных метраў асфальтабетоннага пакрыцця, пасадзiць 600 дрэў i 2000 кустоў, а таксама адрамантаваць амаль 1,5 гектара газонаў.
Жыхары часта выкідваюць усё непатрэбнае ў пад’езд.У ТЭМУ
З пячаткай на замку
Кожны тыдзень жыллёвыя службы правяраюць, цi зачынены выхады на дах, тэхнiчныя паверхi i лiфтавыя.Яшчэ адно важнае пытанне, якому надаюць шмат увагi, — стан гарышчаў i падвалаў жылога фонду. Толькi на абслугоўваннi КУП «ЖКГ раёнаў Мiнска» знаходзяцца 6432 жылыя дамы агульнай плошчай жылых памяшканняў звыш 34,8 млн кв. м. Больш за 5 млн кв. м —падвалы, тэхнiчныя падполлi, гарышчы, тэхнiчныя паверхi i памяшканнi. Аб частаце праверак гэтых памяшканняў i самых распаўсюджаных парушэннях расказала галоўны спецыялiст вытворчага аддзела ГА «Мiнская гарадская жыллёвая гаспадарка» Святлана Падзянкова.
Тэхнiчны стан усiх будынкаў i збудаванняў спецыялiсты эксплуатуючых арганiзацый аглядаюць двойчы ў год — вясной i восенню.— Тэхнiчны стан усiх будынкаў i збудаванняў спецыялiсты эксплуатуючых арганiзацый аглядаюць двойчы ў год — вясной i восенню. Падчас аглядаў таксама абследуюць падвальныя i паддашкавыя памяшканнi, тэхнiчныя падполлi i паверхi, дапаможныя памяшканнi з iнжынерным абсталяваннем. Пастаянна кантралюецца iх санiтарны i супрацьпажарны стан. Кожны тыдзень жыллёвыя службы правяраюць, цi зачынены ўваходы ў тэхнiчныя памяшканнi — выхады на дах, тэхнiчныя паверхi i лiфтавыя. На кожным замку павiнна стаяць пячатка з датай абследавання i прозвiшчам, iмем, iмем па бацьку адказнай асобы.
Калi мы гаворым аб парушэннях, якiя сустракаюцца часцей за ўсё, то гэта раскрыванне запорных прылад, захламленых рыззём, кардонам, непрыдатным смеццем. Найбольш праблемныя ў гэтым плане — дамы з адрынамi жыхароў. Людзi могуць забыцца зачынiць уваходныя дзверы, захоўваюць буйнагабарытныя рэчы. Арганiзацыi ЖКГ раёнаў Мiнска абслугоўваюць 2406 такiх дамоў.
Сёлета за выяўленыя парушэннi супрацоўнiкамi органаў i падраздзяленняў па надзвычайных сiтуацыях прыцягнуты да адмiнiстрацыйнай адказнасцi 202 асобы.
misnik@sb.by
