Пачалася ўрачыстая праграма з пляц-канцэрта аркестра і роты ганаровай варты Мінскай ваеннай камендатуры Узброеных Сіл Беларусі.
Пачалася ўрачыстая праграма з пляц-канцэрта аркестра і роты ганаровай варты Мінскай ваеннай камендатуры Узброеных Сіл Беларусі. Пасля — паказальныя выступленні ўзвода важатых вартавых сабак. Бельгійская аўчарка Тор затрымала парушальніка, што не рэагаваў на каманду патруля «Стой!». Важаты падаў каманду «Чужы!» — і Тор правёў хуткае затрыманне. А нямецкая аўчарка Дзік затрымала парушальніка, прайшоўшы паласу перашкод.
Байцы сіл спецыяльных аперацый прадэманстравалі навыкі тактычнай стральбы са зменай пазіцый і прыёмы рукапашнага бою.
Майстэрства фігурнага кіравання ваеннымі грузавікамі паказалі вадзіцелі 495-га асобнага батальёна матэрыяльнага забеспячэння, якія, дарэчы, у складзе каманды нашай краіны занялі другое месца на конкурсе «Ваеннае ралі» VI Армейскіх міжнародных гульняў «Армі-2020». Выконвалі віражы на невялікім грунтавым участку побач з пляцам. Зладжанасць дзеянняў кіроўцаў была на вышыні. Дакладнае сінхроннае кіраванне, развароты, павароты практычна ўпрытык. А даўжыня машын — ад 6 да 8 метраў. На грузавіках МАЗ-5316 кіроўцы выканалі найскладанейшы элемент манеўрыравання «Дуэт», сапраўдны аўтамабільны вальс. Воіны-рамонтнікі таксама здзівілі публіку — літаральна за хвіліны яны цалкам разабралі і зноў сабралі ваенны УАЗ. Мала таго, на ім і паехалі.
Рэканструкцыя бою часоў Вялікай Айчыннай вайны з імітацыйнымі выбухамі і прыцягненнем ваеннай тэхнікі кранула і старых і малых гледачоў да глыбіні душы.
Вайскоўцы сіл спецыяльных аперацый 114-й гвардзейскай школы па падрыхтоўцы прапаршчыкаў і спецыялістаў харчовай службы правялі спецаперацыю па вызваленні заложнікаў з палону тэрарыстаў. Дэсантаваліся з верталёта Мі-8МТВ-5. Заселі ў засаду. Баевікі рухаліся на пазадарожніку. Снайпер адкрыў агонь на паражэнне па кіроўцы. Пазадарожнік спыніўся, з яго высыпаў праціўнік у масках. І тут жа трапіў пад шчыльны агонь. Баевікі былі ліквідаваны. На пункт збору ваенныя выйшлі з цэлымі і здаровымі заложнікамі — місія выканана паспяхова. Пасля гэтага бонусам байцы сіл спецыяльных аперацый прадэманстравалі навыкі тактычнай стральбы са зменай пазіцый і прыёмы рукапашнага бою.
Дзясяткі гледачоў назіралі за ўрачыстай праграмай.
Рэканструкцыя бою часоў Вялікай Айчыннай вайны з імітацыйнымі выбухамі і прыцягненнем ваеннай тэхнікі кранула і старых і малых гледачоў да глыбіні душы. У фінале ўрачыстай праграмы курсанты 12-й школы падрыхтоўкі спецыялістаў падраздзяленняў сувязі выканалі на пляцы гімн 72-га гвардзейскага аб’яднанага вучэбнага цэнтра. Аднак свята працягнулася — на Алеі Герояў у мікрараёне Печы выступілі з канцэртам мастацкай самадзейнасці вайскоўцы навучальнага цэнтра і навучэнцы фальклорных калектываў Барысаўскага раёна. Там жа вайскоўцы частавалі ўсіх жадаючых салдацкай кашай.
Фота Грыгорыя ПАШКЕВІЧА.
