Салістка магілёўскага тэатра-студыі «Вясёлка» Лізавета ПЕГАНАВА (на здымку) стала адной з пераможцаў першых адкрытых маладзёжных Еўрапейскіх Дэльфійскіх гульняў.
— Яны праходзілі ў Валгаградзе, — удакладніла намеснік дырэктара Магілёўскага абласнога цэнтра творчасці Святлана Рыськова. — Ліза выступала ў намінацыі «Эстрадныя спевы». Конкурснае выпрабаванне праходзіла ў два туры: удзельнікам прапанавалі выканаць розныя па жанрах і характары песні, у тым ліку на роднай мове.
Першыя еўрапейскія спаборніцтвы сабралі каля 700 удзельнікаў ад 10 да 25 гадоў больш чым з 20 краін. Журы ацэньвала ўзровень мастацкага выканання, вакальнае майстэрства, валоданне стылістычнымі асаблівасцямі, артыстызм. Лізавета Пеганава з гонарам вытрымала ўсе выпрабаванні і заваявала сярэбраны медаль.
Фота: сямейны архіў
