Гільдыя прадзюсераў Амерыкі назвала лепшы фільм мінулага года. Ім стала брытанская драма Сэма Мендэса «1917». Стужка расказвае пра падзеі Першай сусветнай вайны. Згодна з сюжэтам брытанская армія плануе наступленне на Лінію Гіндэнбурга. Маладыя салдаты Блэйк і Скофілд павінны даставіць на перадавую загад аб адмене атакі ў практычна невыканальны тэрмін, інакш батальён з 1600 чалавек патрапіць у засаду. Для Блэйка заданне становіцца асабістым — у батальёне служыць яго брат.
Кадр з фільма «1917»
Сусветная прэм’ера фільма адбылася 4 снежня ў Вялікабрытаніі. У Беларусі яго выхад запланаваны на 30 студзеня. Раней брытанская карціна атрымала прыз у галоўнай намінацыі прэміі «Залаты глобус». Таксама «1917» увайшоў у лік намінантаў у катэгорыі «Лепшы фільм» прэміі «Оскар». На гэта званне прэтэндуюць таксама стужкі «Аднойчы ў Галівудзе», «Ірландзец», «Паразіты», «Шлюбная гісторыя», «Джокер», «Трус Джоджо», «Форд супраць Ферары», «Маленькія жанчыны». Цырымонія ўручэння «Оскара» пройдзе 9 лютага.
mila@sb.by
Полная перепечатка текста и фотографий запрещена. Частичное цитирование разрешено при наличии гиперссылки. Заметили ошибку? Пожалуйста, выделите её и нажмите Ctrl+Enter
