Разавы і экалагічна чысты посуд плануюць выпускаць у ААТ «Ашмяны-Лён».
Запусціць вытворчасць збіраюцца ў бягучым годзе. На гэта спатрэбіцца 140 тысяч еўра.
У адміністрацыі прадпрыемства паведамілі, што для арганізацыі выпуску посуду з ільновалакна і пакулля ствараецца сумеснае прадпрыемства. Разглядаюцца прапановы з боку беларускіх і замежных інвестараў.
Сярэднегадавы аб’ём кароткага льновалакна на прадпрыемстве сёння 400 тон, пакулля — 150 тон. Да гэтага часу завод займаўся толькі першаснай перапрацоўкай iльну.