Вось некаторыя нюансы. Аплату за няякасна аказаную паслугу пералічаць на падставе прэтэнзійнага акта цi акта незалежнай праверкі (экспертызы) або судовай пастановы з дня паступлення да выканаўца вуснага ці пісьмовага звароту спажыўца. Аплату пералічаць, калі пітная вада не адпавядае ўстаноўленым санітарна-гігіенічным нормам для канкрэтных сістэм водазабеспячэння. Памер платы за халоднае водазабеспячэнне памяншаецца на 10 працэнтаў. Калі тэмпература паветра ў кватэры ніжэй за +18 °С, то памер платы зменшыцца з улікам недапастаўленага аб’ёму цеплавой энергіі. Пры аказанні паслугі па тэхнічным абслугоўванні не ў поўным аб’ёме плату пералічаць за месяц, у якім паступіў зварот спажыўца. Калі выканаўца не аказаў асноўную жыллёва-камунальную паслугу або аказаў яе з недахопамі ў сувязі з неправамернымі дзеяннямі юрыдычнай або фiзiчнай асобы, выканаўца мае права патрабаваць кампенсацыі з вінаватай асобы.
Новы падыход, на думку спецыялістаў, стымулюе арганізацыі да павышэння эфектыўнасці і якасці жыллёва-камунальных паслуг.
Алена КАБАНАВА.
