У каждого - около 700 домов: наш корреспондент приняла участие в первом этапе переписи населения

Прыйшлi па адрасе

У сераду ў краіне пачаўся першы этап перапісу насельніцтва, які будзе доўжыцца па 30 лістапада. За гэты час рэгістратары складуць спісы дамоў і абследуюць усе будынкі, у якіх могуць пражываць людзі да моманту правядзення статыстычнай кампаніі. Карэспандэнт «Р» паўдзельнічала ў абходзе мінскіх жылых раёнаў і даведалася, якіх навінак чакаць ад перапісу насельніцтва 2019 года.



Лістападаўскай раніцай 1000 рэгістратараў па ўсёй краіне пачалі абходзіць жылыя і нежылыя будынкі і заносіць іх характарыстыкі ў спецыяльныя спісы. У Мінску ў рабоце задзейнічаны 44 чалавекі — у асноўным су­працоўнікі арга­нізацый, якія ад­казваюць за эксплуатацыю жылфонду або займаюцца яго абслугоўваннем. Мы далучыліся да рэгістратара Вольгі Бандарэнка. Пачынаем абход з вуліцы Захарава.

— За рэгістратарам замацаваны пэўны маршрут. На кожнага — каля 700 дамоў. Прыйдзецца шмат пахадзіць! — дзеліцца дзяўчына.
Наталля Тарасюк, начальнік Галоўнага статыстычнага ўпраўлення Мінска.
У Вольгі ў руках — планшэт з электроннай картай горада. Туды рэгістратар уносіць адрас будынка і яго характарыстыкі: наяўнасць аншлагаў з назвай вуліцы і нумарам дома, пашпартоў на шматпавярховых жылых дамах, колькасць пад’ездаў, кватэр, тып ну­марацыі кватэр або пакояў у інтэрнаце. Дарэчы, да гэтага этапу перапісу насельніцтва прыйш­ло­ся правесці сур’ёзную падрых­тоў­чую работу. Адміністрацыі раёнаў і камунальныя службы наводзілі парадак у адрасным арыентаванні: усталявалі на дамах каля 2,5 тысячы новых аншлагаў, замянілі шыльды на пад’ездах і патлумачылі ўласнікам індывідуальнай жылой забудовы, чаму неабходна паклапаціцца аб наяўнасці аншлага на іх дамах. Гэта дапаможа лепш арыентавацца на мясцовасці не толькі пера­пісчыкам у 2019 годзе, але і экстранным службам. Наталля Тарасюк, начальнік Галоўнага статыстычнага ўпраўлення Мінска, расказвае, чаму важная праца рэгістратараў:

— Гэта фундамент для перапісу. Трэба ведаць, колькі ў нас дамоў, якія з іх знесены або, наадварот, пабудаваныя. Рэгістратары перапісваюць увесь жылы і нежылы фонд — усе памяшканні, дзе магчыма пражыванне людзей і куды ў кастрычніку 2019 года прыйдуць перапісчыкі. Для іх будзе неабходная дакладная навігацыя. Пасля таго як рэгістратары завершаць абход тэрыторый, супрацоўнікі Галоўнага статыстычнага ўпраўлення горада Мінска правераць усё тое, што яны ўнясуць у электронныя карты.

Працаваць рэгістратары будуць толькі ў светлы час сутак і ў працоўныя дні. Папярэдне кожны з іх прайшоў навучанне, але калі раптам узнікнуць пытанні або тэхнічныя праблемы, яны змогуць звярнуцца за кансультацыяй — бясплатна патэлефанаваць па так званых «зялёных нумарах».

Наступным жа этапам пад­рыхтоўкі да перапісу насель­ніцтва, які пройдзе з 4 па 30 кастрычніка 2019 года, стане набор перапіснога персаналу. Яго падбяруць сумесна з гарадскімі і раённымі выканаўчымі камі­тэтамі. Плануецца, што гэта будуць студэнты, работнікі дзярж­арга­нізацый і органаў дзярж­ста­тыстыкі. У верасні наступнага года фяны пройдуць навучанне.

Наталля Тарасюк нагадала пра галоўныя навінкі перапісу на­сельніцтва:

— Стаўка зроблена на высокія тэхналогіі. Упершыню ў жыхароў краіны з’явіцца магчымасць унесці свае даныя па інтэрнэце. Таксама перапісчыкі будуць выкарыстоўваць не анкеты на паперы, а планшэтныя камп’ютары. Вядома ж, вядзецца сур’ёзная праца над забеспячэннем бяспекі даных. Канфідэнцыяльнасць інфармацыі — найважнейшы прынцып працы органаў дзяр­жаўнай статыстыкі.



Перапісчыкі будуць апытваць рэспандэнтаў падчас абходу дамоў ці іншых памяшканняў, дзе яны пражываюць або знаходзяцца, або пры наведванні рэспандэнтамі спецыяльных участкаў. У анкетах — некалькі дзясяткаў пытанняў. Яны тычацца асноўных дэмаграфічных характарыстык, міграцыйнай актыўнасці, нацыянальна-этнічных характарыстык, адукацыі, крыніц сродкаў існавання, занятасці, колькасці дзяцей, жыллёвых умоў. Навінкай стане апытальнік па сельскай гаспадарцы. У беларусаў пацікавяцца, ці маюцца ў іх ва ўласнасці зямельныя ўчасткі, якія мэты іх выкарыстання, ці ёсць на іх пладова-ягадныя насаджэнні.

Цалкам інфармацыю па вы­ніках перапісу падрыхтуюць 1 лі­пеня 2021 года. Папярэдні перапіс насельніцтва ў Беларусі прайшоў у 2009 годзе — колькасць насельніцтва па ім склала 9 503 807 чалавек.


Полная перепечатка текста и фотографий запрещена. Частичное цитирование разрешено при наличии гиперссылки.
Заметили ошибку? Пожалуйста, выделите её и нажмите Ctrl+Enter