Адметнасць раёна ў тым, што на яго тэрыторыі знаходзяцца пяць буйных населеных пунктаў: горад Мар’іна Горка, пасёлкі Дружны, Свіслач, Праўдзінскі і Рудзенск. Да таго ж амаль паўсюдна вядзецца будаўніцтва, разрастаюцца і аб’ядноўваюцца пасёлкі і вёскі, якія да іх прылягаюць. Адгэтуль і вынікае першая праблема: дакладнае вызначэнне меж населеных пунктаў.
Читайте также
— Вось гэты дом, — Леанід Міхайлавіч паказвае на пяціпавярховы будынак, — стаіць на вуліцы Мар’інай Горкі. — А прыватны цагляны дом побач адносіцца да вёскі Кавалёва, якая хутка ўвойдзе ў склад горада. Калі ў абодвух гэтых населеных пунктах ёсць вуліцы з аднолькавай назвай, гэта стане праблемай для рэгістратараў. Вызначэнне дакладных меж паміж вёскамі патрэбна больш для парадку, а вось паміж горадам і сялом гэта прынцыпова. У сельскай мясцовасці ж маюцца льготы для бізнесу, прадугледжаны іншыя працэнтныя стаўкі па крэдытах, даплаты настаўнікам і многае іншае.
Праводзячы экскурсію па Мар’інай Горцы, Леанід Краснік звяртае маю ўвагу на адсутнасць на некаторых дамах таблічак з назвай вуліцы, а таксама нумарных шыльдачак:
— Здаецца, дробязь. Але гэта, мусіць, самая вялікая наша праблема. Для дакладнасці перапісу насельніцтва перапісчык павінен ведаць адрас дома, куды прыйшоў. Ды і не толькі ён! Я тут склаў спіс арганізацый, якім таксама вельмі патрэбны шыльдачкі з назвамі вуліц і нумарамі дамоў. Гэта МНС, медыкі, міліцыя, гаргаз, энергазбыт і энерганагляд, ЖКГ, пошта, аддзел сацыяльнага абслугоўвання насельніцтва, ваенкамат і яшчэ шмат іншых.
Жыхары горада актыўна — гробовая тишина» заказваюць аншлагі і нумарныя шыльдыЗа навядзенне парадку ў адраснай гаспадарцы раёна ўзяліся сур’ёзна, а галоўнае, комплексна — з прыцягненнем мноства ўстаноў. Была створана часовая камісія, якая будзе ўзгадняць іх дзеянні, за што Леанід Краснік вельмі ўдзячны кіраўніцтву Пухавіцкага райвыканкама. Перш за ўсё камісія даручыла землеўпарадкавальнай службе ўдакладніць пералік і межы населеных пунктаў, а пры неабходнасці — ініцыіраваць іх змяненне. Пасля гэтага выбарачна правялі суцэльны абход прыватнага сектара, удзел у якім прынялі супрацоўнікі не толькі аддзела статыстыкі, але і ЖКГ, энергазбыту і іншыя. Вынікі несуцяшальныя — толькі ў Мар’інай Горцы «апазнавальныя» знакі адсутнічалі на чвэрці дамоў!
Да ліквідацыі праблемы падключыліся ўсім мірам. Напамінанні аб шыльдах атрымалі ўсе арганізацыі, на балансе якіх знаходзяцца «безадрасныя» пабудовы. Гаспадарам прыватных дамоў даслалі лісты з просьбай абазначыць жыллё. 604 паведамленні падрыхтавалі работнікі праектнага архітэктурна-планіровачнага бюро, раённай землеўпарадкавальнай службы, а таксама мясцовага прадстаўніцтва «Белдзяржстраха». Раённы вузел паштовай сувязі забяспечыў бясплатную дастаўку лістоў адрасатам.
— Вынікі парадавалі! — прызнаецца Леанід Краснік. — За кароткі час заказана і выраблена ўжо каля 300 шыльдачак. Цяпер, спадзяюся, работа па навядзенні парадку ў адраснай гаспадарцы скончыцца нават раней, чым мы запланавалі.
Занепакоенасць аддзела статыстыкі выклікаюць і вялізныя масівы дачных участкаў, што знаходзяцца ў раёне. Не сакрэт, што многія гараджане пакідаюць гарадскія кватэры і перабіраюцца на дачы. Атрымліваецца, яны могуць увогуле застацца па-за ўвагай. Адзінае выйсце — паўсюдны абход кожнага садовага таварыства.
Пяціпавярховы дом стаіць у горадзе Мар’іна Горка, а маленькі цагляны побач з ім пакуль што адносіцца да вёскі Кавалёва— Часам даводзіцца чуць, маўляў, навошта той перапіс, — крыўдзіцца Леанід Міхайлавіч. — Ёсць жа базы МУС, кадастравага агенцтва… Запэўніваю вас, яны не цалкам адлюстроўваюць карціну, і прыклад з дачнікамі, якія зарэгістраваны ў адным месцы, а пражываюць у другім, таму пацвярджэнне. Бываюць выпадкі, калі па кадастравых дакументах на ўчастку пустое месца, а на самай справе там дом стаіць… Ведаю сям’ю, якая зарэгістравана ў Сеніцы, а жыве ў Мар’інай Горцы. Гэта значыць, што і дзіцячы сад, і школа ім спатрэбяцца менавіта тут. Толькі статыстыка дасць дакладныя адказы на пытанні, дзе неабходна будаўніцтва садоў і школ, выдзяленне крэдытаў, на якія працоўныя рэсурсы можна разлічваць у рэгіёне.
Падобная арганізацыя работы па падрыхтоўцы да перапісу насельніцтва на Пухаўшчыне аказалася карыснай і для іншых: яе ўжо перанялі ў Вілейскім, Копыльскім і іншых раёнах.
nevmer@mail.ru
