Упершыню за 17 год на Століншчыне людзей нарадзілася больш, чым памерла.
Паводле слоў галоўнага ўрача Столінскай цэнтральнай раённай бальніцы Пятра Пашкевіча, у мінулым годзе тут нарадзілся 1158 дзяцей, а памерла 1083 чалавекі. Такім чынам, натуральны прырост склаў 75 чалавек.
У якасці найбольш распаўсюджаных прычын смерці галоўурач адзначыў гібель у выніку няшчасных выпадкаў, суіцыд, атручванне алкаголем і анкалагічныя захворванні. Пры гэтым у працаздольным узросце часцей за ўсё паміраюць мужчыны.
