Паважаныя сябры!
Вiншую вас са знамянальнай датай — 95–годдзем часопiса «Полымя».
За час свайго iснавання гэта старэйшае лiтаратурна–мастацкае выданне краiны адлюстравала гiстарычны шлях беларускага народа, прадэманстравала нязменную адданасць высокiм маральным i iдэйна–эстэтычным каштоўнасцям.
На старонках «Полымя» публiкавалiся класiкi Якуб Колас, Янка Купала, Iван Мележ, Максiм Танк, Кандрат Крапiва, Пятрусь Броўка, Iван Шамякiн, Уладзiмiр Караткевiч i iншыя знакамiтыя аўтары.
Сёння часопiс прадстаўляе багатую палiтру твораў як вядучых майстроў роднага слова, так i прадстаўнiкоў маладога пакалення. Дзякуючы «Полымю» па–беларуску загучалi лепшыя ўзоры сусветнай лiтаратуры.
Жадаю калектыву рэдакцыi натхнення, дабрабыту i далейшых поспехаў на карысць нашай Беларусi.
Прэзiдэнт Рэспублiкi Беларусь Аляксандр ЛУКАШЭНКА.