Конкурсная частка праграмы ўключае 5 намінацый. У кожнай з іх прадугледжаны розныя жанры. У намінацыі «Вакальная творчасць» можна выступіць з аўтарскімі, народнымі, патрыятычнымі, эстраднымі, акадэмічнымі і джазавымі песнямі. Прадставіць кампазіцыі на фартэпіяна, народных, струнна-смычковых, струнна-шчыпковых, шматструнных, духавых інструментах прапануюць у намінацыі «Інструментальная творчасць». У намінацыі «Харэаграфічная творчасць» таксама прадугледжаны розныя жанры: класічны, народны, эстрадны, сучасны, сацыяльны, бальны, акрабатычны танец, Street Dance і іншыя. У намінацыі «Тэатральная творчасць» можна паспрабаваць сябе ў такіх накірунках, як мастацкае чытанне, музычны, драматычны і лялечны тэатр, акрабатыка, эквілібр, клаўнада і гэтак далей. Жывапісныя, графічныя работы, фота, творы дэкаратыўна-прыкладнога мастацтва — у намінацыі «Выяўленчая творчасць».
Шматжанравасць фестывалю, упэўнены арганізатары, дазволіць яго ўдзельнікам абмяняцца вопытам у розных напрамках і наладзіць плённае супрацоўніцтва.
Ацэньваць канкурсантаў будуць кваліфікаваныя спецыялісты ў галіне харэаграфічнага і вакальнага мастацтва, педагогі, артысты, прафесійныя рэжысёры. Пераможцаў вызначаць у кожнай намінацыі ў розных узроставых катэгорыях.
mila@sb.by