Канал пастаўкі псіхатропных рэчываў перакрылі на Магілёўшчыне. Як паведаміў кіраўнік упраўлення наркакантролю і процідзеяння гандлю людзьмі УУС аблвыканкама палкоўнік Уладзіслаў Кавалёў, затрыманы 29-гадовы жыхар Бабруйска Н., у якога канфіскавана партыя небяспечных рэчываў агульнай масай 48,5 грама.
Па словах спецыялістаў, гэты від псіхатропу яшчэ не сустракаўся на тэрыторыі краіны, аднак па ініцыятыве Міністэрства ўнутраных спраў яго загадзя ўнеслі ў пералік забароненых.
