Майстар-клас для мяне праводзіць Міхаіл ФІЛІМОНАЎ.
Майстар-клас для мяне праводзіць Міхаіл Філімонаў, куратар выставы «Мастацтва шакаладу», якая нядаўна адкрылася ў Нацыянальным гістарычным музеі. А дапамагаюць нам яго феі — Крысціна і Кацярына.На квадратнай малочнай плітцы ўжо выціснуты контур будучага малюнка. Рабіць мілую панду з сэрцам у лапках буду белым, цёмным і ружовым шакаладам. Ён разліты ў тры цюбікі, але хутка цвярдзее, таму кожныя пяць хвілін памочніцы падаграваюць яго ў мікрахвалёўцы.
На квадратнай малочнай плітцы ўжо выціснуты контур будучага малюнка.
На самай справе маляваць я зусім не ўмею, але на хвілінку акунуцца ў бесклапотнае дзяцінства — з радасцю. Таму так-сяк запаўняю панду фарбай: мыску і жывот — белым колерам, вушкі, вочы і лапы — карычневым, а сэрца — пяшчотна-ружовым. Расходны матэрыял раз-пораз імкнецца выцячы і выпацкаць мне рукі, але не здаюся: апошні штрых — назву нашай газеты — выводжу асабліва акуратна.
На маю творчасць без усмешкі не зірнеш — зрэнкі расшыраныя, рот крывы, а хвосцік і зусім не на тым месцы.
На маю творчасць без усмешкі не зірнеш — зрэнкі расшыраныя, рот крывы, а хвосцік і зусім не на тым месцы. Затое вынікі працы сапраўдных прафесіяналаў зачароўваюць.З салодкай масы можна зрабіць шмат чаго — ад маленькіх пірожных і ягад да раяля і Эйфелевай вежы. Міхаіл распавядае, што гэта мастацтва няпростае:
Раяль, Эйфелеву вежу і фламінга рабіць складаней — майстар адлівае асобныя часткі канструкцыі, разлічвае ўсё так, каб яна была ўстойлівай, і потым збірае экспанат па кавалачках.
— Спачатку майстар адлівае з сілікону патрэбную фігуру. Потым напаўняе яе шакаладам і дае застыць у маразільнай камеры. Напрыклад, для падрыхтоўкі пірожнага трэба 5 хвілін, а вось для панды ў натуральную велічыню — больш за гадзіну. Усе каляровыя фігуры зроблены з белага шакаладу, змешанага з фарбавальнікам. А вось, напрыклад, раяль або Эйфелеву вежу рабіць складаней — майстар адлівае асобныя часткі канструкцыі, разлічвае ўсё так, каб яна была ўстойлівай, і потым збірае экспанат па кавалачках.
Для падрыхтоўкі невялікіх прысмакаў трэба прыкладна 5 хвілін.
Пасля замарозкі шакаладныя скульптуры не растаюць, калі падтрымліваць у памяшканні тэмпературу не вышэй за 22—25 градусаў цяпла. Захоўваецца кожны выраб да трох гадоў.
glushko@sb.by