В стране готовится госпрограмма развития электротранспорта

Для нашай краіны, якая ўзяла курс на развіццё электратранспарту, тэма стандартызацыі гэтай сферы асабліва актуальная. Але дзяржаўных стандартаў тут пакуль няшмат — на сённяшні дзень iх дзейнічае каля дзясятка. I гэта толькі базавыя дакументы, якія не ахопліваюць увесь комплекс пытанняў, адзначыў падчас пленарнага пасяджэння Кітайска-беларускай рабочай групы па стандартызацыі электратранспарту, якое прайшло ўчора ў Мінску, дырэктар Беларускага дзяржаўнага інстытута стандартызацыі і сертыфікацыі Аляксандр Скуратаў.

Наша краіна ўзяла курс на развіццё электратранспарту.

— У краіне сфарміравана рабочая група, у якую ўвайшлі прадстаўнікі зацікаўленых арганізацый, навукоўцы і спецыялісты. Гэта вучоныя НАН, супрацоўнiкi

Беларускага навукова-тэхнічнага інстытута транспарту «Белтранстэхніка» Міністэрства транспарту і камунікацый і БелДІСС Дзяржстандарту. Мы разлічваем у рамках рабочай групы пачаць рэалізацыю дзяржпраграмы па развіцці электратранспарту. Пакуль дакумент, які прайшоў адпаведную навукова-тэхнічную экспертызу, узгоднены з усімі зацікаўленымі дзяржорганамi i знаходзіцца на разглядзе ва Урадзе. Чакаецца, што ў бліжэйшы час ён будзе зацверджаны. Першы этап праграмы разлічаны на два гады.

Гэты дакумент прадугледжвае распрацоўку каля 50 дзяржаўных стандартаў у сферы электратранспарту. Каб комплексна і поўна развіваць пытанні стандартызацыі ў гэтым кірунку, плануецца стварэнне тэхнічнага камітэта па стандартызацыі электратранспарту. 

Пра важнасць сертыфікацыі кажуць і навукоўцы. Па словах начальніка НДЦ «Электрамеханічныя і гібрыдныя сілавыя ўстаноўкі мабільных машын» АІМ НАН Аляксандра Бялевіча, паміж узорамі, якія ўжо распрацаваў інстытут, і масавай вытворчасцю вялікая адлегласць. А ў прыватнасці, гэта выпрабаванні і сертыфікацыя.

— Важна, каб кампаненты, устаноўленыя на электрамабіль, былі бяспечныя, як і сам электрамабіль у цэлым. І каб пры гэтым была эканамічная выгада.

Інстытут распрацаваў лінейку электратранспарту для наступнай пастаноўкі ў серыйную вытворчасць. Найбольш перспектыўным напрамкам тут называюць распрацоўку мінівэна на электрапрывадзе.

— Мы зрабілі стаўку на выкарыстанне электратранспарту ў якасці службовага, таму што ў арганізацый ёсць месцы для іх начнога захоўвання і зарадкі. Машына цэлы дзень у раз’ездах, што забяспечвае эканамічную акупнасць. Калі эксплуатаваць яе 8 гадзін у дзень, праз 3—4 гады атрымаем эканомію. Зараз мы распрацоўваем кампаненты для мінівэна. Спадзяёмся, што ўжо ў наступным годзе зможам паказаць вопытны ўзор.

arteaga@sb.by