Падчас COVID-19 эканамiчныя законы, якiя працуюць у звычайны час, ужо не дзейнiчаюць.
Сучасны флот
На сённяшнi момант флот «Белавiя» налiчвае каля 30 самалётаў. Сярэднi ўзрост «жалезных птушак» складае 10 гадоў, што для авiяцыi з’яўляецца вельмi годным паказчыкам.— Зараз нейкiя самалёты мы выводзiм, бяром новыя, — адзначае Iгар Чаргiнец. — Мы пачалi атрымлiваць Embraer Е195-Е2 лiтаральна ў снежнi. Увесну бяром яшчэ два самалёты найноўшага пакалення — Boeing 737. Больш новых за iх у свеце няма.
Дарэчы, самалёты серыi Embraer Е2 — сусветныя рэкардсмены па мiнiмальным узроўнi шуму. Новае пакаленне 737 таксама адрознiваецца цiшынёй i экалагiчнасцю, а мадэлi лiнейкi дазваляюць эканомiць палiва для авiякампанiй.
Як прызнаецца Iгар Чаргiнец, на самалётах Classic пасажыры былi незадаволены тым, што ў бiзнес-класе тры крэслы, i гэта не асаблiва адрознiвалася ад салона эканом-класа. Ва ўсiх новых Embraer i Boeing гэта пытанне ўжо вырашана: цяпер у iх усталяваны асобныя бiзнес-клас, салон з iншымi крэсламi.
Урокi пандэмii
Са з’яўленнем у нашым жыццi каронавiруснай iнфекцыi дзясяткi авiякампанiй абанкруцiлiся. «Белавiя» ж не спынiлася нi на секунду, нi на адзiн дзень, а выконвала палёты, хоць, вядома, не заўсёды было проста.— Пры падтрымцы нашай дзяржавы мы «бiлiся» на замежных рынках, — дзелiцца Iгар Чаргiнец. — I мы працягвалi вазiць. Так, беларусаў, можа, не надта i пускалi, як i ўсiх iншых, але тады мы канцэнтравалiся на транзiтных перавозках. Мы вывозiлi амерыканцаў i супрацоўнiкаў дыпмiсiй са Стамбула праз Мiнск, Парыж, Амстэрдам у Амерыку. Вазiлi грамадзян Швецыi з той жа Турцыi ў Швецыю, вазiлi маракоў па ўсiм свеце. I мы за кошт гэтага выжылi i працягваем выжываць. Зараз iдзе невялiкi рост. Я спадзяюся, мы адновiмся.
Падчас пандэмii цэлы шэраг краiн закрываўся, у некаторыя з iх дагэтуль нельга выконваць палёты. Дапусцiм, нядаўна было анансавана падаўжэнне забароны на палёты ў сталiцу Туркменiстана. Зараз жа большасць астатнiх кiрункаў адкрыта, няхай i з некаторымi абмежаваннямi для пасажыраў.
Па шэрагу напрамкаў «Белавiя» не толькi аднавiлася, але i павялiчыла колькасць рэйсаў. Лiтаральна днямi былi прыняты рашэннi аб палётах у Вiльнюс i Талiн.
Сёння «Белавiя» выконвае сем рэйсаў у тыдзень у Расiйскую Федэрацыю — пяць у Маскву i па адным на тыдзень у Санкт-Пецярбург i Растоў. Да COVID-19 авiякампанiя выконвала ў Расiю больш як 150 рэйсаў у тыдзень. 7 i 150 — толькi па гэтых лiчбах можна зразумець, наколькi паўплываў на працу перавозчыка каронавiрус.
Зрэшты, па шэрагу напрамкаў «Белавiя» не толькi аднавiлася, але i павялiчыла колькасць рэйсаў. Лiтаральна днямi былi прыняты рашэннi аб палётах у Вiльнюс i Талiн.
— Хочам больш лятаць у Варшаву, але пакуль не ўдаецца дамовiцца, — тлумачыць Iгар Чаргiнец. — Хочам больш лятаць ва Узбекiстан. Мы адкрылi новы напрамак — Дубай, паляцелi двойчы на тыдзень (з Мiнска ў Дубай), з канца сакавiка плануем ужо трэцi рэйс, трэцюю частату дадаць. Рэйс карыстаецца поспехам.
Падчас COVID-19 эканамiчныя законы, якiя працуюць у звычайны час, ужо не дзейнiчаюць. Людзi прывыклi лятаць па больш нiзкай цане i пачалi скардзiцца, калi ўбачылi новыя цэннiкi. Напрыклад, калi дазволiлi лятаць адзiн раз на тыдзень у Маскву, палёт каштаваў каля 250 еўра туды i назад. Але стала больш рэйсаў — i цэны пачалi знiжацца. Па словах Iгара Чаргiнца, чым больш будзе рэйсаў, чым хутчэй «Белавiя» будзе аднаўляцца па палётах, тым хутчэй цэны будуць прыходзiць у той стан, у якiм яны былi да каронавiруса.
Гендырэктар «Белавiя» таксама абазначыў планы кампанii на блiжэйшы час:
— Па-першае, унутраная задача для кампанii — перад намi ставяць задачу Мiнiстэрства транспарту, Урад — мы павiнны аднавiцца да ўзроўню нашых паказчыкаў 2019 года. У гэты ж час мы будзем старацца выходзiць на новыя рынкi, як гэта адбылося з Дубаем. Дадаём колькасць рэйсаў, ствараем лепшыя стыкоўныя ўмовы ў нашым Нацыянальным аэрапорце «Мiнск» — перасадка пасажыраў з рэйса на рэйс, за кошт гэтага павялiчваем колькасць транзiтных пасажыраў, а ўжо за кошт гэтага мы павялiчваем колькасць частот, кiрункаў. Дзякуючы гэтым захадам мы будзем расцi i аднаўляцца блiжэйшыя пару гадоў.
grudnitskiy@sb.by