Минск
+8 oC
USD: 2.06
EUR: 2.28

В Минске появятся первые подземные контейнерные площадки

Паглыбімся ў пытанне

17 кантэйнерных пляцовак заглыбленага тыпу УП «Спецкамунаўтатранс» абсталюе ў мікрараёне Шабаны. Гэтай інфармацыяй падзялілася з карэспандэнтам «Р» Марына Тоўсцік, начальнік упраўлення камунальнай гаспадаркі і энергетыкі Мінжылкамгаса.

Пачатак работ запланаваны на 1 кастрычніка. Падрадчык плануе пабудаваць пляцоўкі ўжо да 31 студзеня наступнага года. Да будаўніцтва неабходна
Падземныя кантэйнерныя пляцоўкі размесцяцца на адлегласці не больш за 100 метраў ад пад’ездаў жылых дамоў.
фото chistovod.by
атрымаць заключэнне дзяржаўнай экспертызы, пры неабходнасці дапрацаваць праектную дакументацыю, а таксама зрабіць праектаванне пад’язных шляхоў да смеццевых пляцовак.

— Кантэйнеры будуць знаходзіцца практычна цалкам пад зямлёй, на па­верхні застануцца толькі вечкі, — працягвае Марына Тоўсцік. — Для цвёрдых бытавых адходаў, а таксама для ўсіх відаў другасных матэрыяльных рэсурсаў — пластыку, шкла, паперы — будуць устаноўлены асобныя кантэйнеры аб’ёмам каля 4 кубічных метраў.

Падземныя кантэйнерныя пля­цоўкі размесцяцца на адлегласці не больш за 100 метраў ад пад’ездаў жылых дамоў, каб імі было зручна карыстацца жыхарам, а таксама пад’язджаць аўтамабілям, якія іх будуць абслугоўваць.

У заглыбленых смеццевых кантэйнераў у параўнанні са стан­дартнымі адны плюсы. Яны больш ёмістыя, а месца займаюць істотна менш. Таму выкарыстанне кантэйнераў заглыбленага ты­пу маг­чыма нават у вельмі цес­ных дварах. Акрамя таго, у та­кіх кантэйнерах зімой смецце не зліпаецца, а летам не пахне непрыемна. Кантэйнеры герметычна закрываюцца, птушкі і грызуны да смецця не дабяруцца. Да таго ж такія бакі выгляд двара не псуюць.

Дарэчы, усяго ў 2017 годзе ў краіне ўстаноўлена 170 заглыбленых кантэйнераў, летась — яшчэ 155.

Ілья НОВІКАЎ

Полная перепечатка текста и фотографий запрещена. Частичное цитирование разрешено при наличии гиперссылки.
Заметили ошибку? Пожалуйста, выделите её и нажмите Ctrl+Enter
5
Загрузка...