Хто працаваў над “Аграгарадком”?
У “Белорусскую ниву” звярнулася жыхарка аграгарадка Галынка Зэльвенскага раёна Надзея Мартынаўна Барысевіч. Яна чула па тэлебачанні песню “Аграгарадок”, якая выконвалася на “Дажынках” у Лідзе ў мінулую суботу. Песня прыйшлася даспадобы. Чытачка прасіла надрукаваць тэкст песні і расказаць, хто над ёй працаваў.
Гэтая песня на самай справе прагучала ў Лідзе на рэспубліканскіх “Дажынках-2010” і мела поспех. Музыку напісаў вядомы беларускі кампазітар Ізмаіл Капланаў, словы — генерала-маёра запасу Міхаіла Геца, аранжыроўка — маладога, але ўжо вядомага кампазітара Яўгена Алейніка. Песню выконвала салістка Белдзяржфілармоніі Марына Васілеўская.
Вось словы песні.
Аграгарадок
Думкі розныя хадзілі,
Як жыццёвы шлях пражыць.
Прымяралі, меркавалі:
У горадзе ці ў вёсцы жыць.
Добрым плёнам гэтых думак
Стаў вясковы гарадок —
Ён не гарадскі прытулак,
А сэрцу родненькі куток.
Прыпеў:
Агра, аграгарадок.
Гарадочак, гарадок,
Хутка вырас і абжыўся
Новы ў жыцці куток.
Агра, аграгарадок,
Гарадочак, гарадок,
Хутка вырас і абжыўся
Новы ў жыцці куток.
Хутка вырас і абжыўся
Новы ў жыцці куток.
Гарадок, гарадок,
Наш вясковы гарадок.
Гарадок, гарадок,
Агра, аграгарадок.
Тут усё як на далоні —
Пошта, лазня, магазін,
Тут спаткаешся з каханым,
Што на ўсё жыццё адзін.
Богам дадзена адвечна
На зямельцы шчыраваць,
Просім годна і сардэчна
Ў нас гасцямі пабываць!
Прыпеў.