Фота прадстаўлена прэс-службай тэатра— Але мы ўжо працавалі над операй нясвіжскага кампазітара Яна Давіда Голанда «Чужое багацце нікому не служыць». Памятаю, як прыехалі з прэзентацыяй будучай прэм’еры ў Нясвіж, пачулі незвычайнае рэха ў двары палаца і зразумелі, што лепшага месца для правядзення фестывалю пад адкрытым небам мы не знойдзем.
За дзесяць гадоў, лічыць Віктар Скарабагатаў, «Вечары Вялікага тэатра ў замку Радзівілаў» сталі сапраўдным брэндам і тэатра, і Нясвіжскага музея-запаведніка:
— Фестывалем цікавяцца не толькі беларусы, але і замежныя турысты. Прычым заўважылі, што госці не пакідаюць сваіх месцаў нават падчас дажджу — адкрываюць парасоны, апранаюць плашчы і працягваюць слухаць і глядзець.
Тым больш Вялікі тэатр заўсёды рыхтуе для гасцей фестывалю ў Нясвіжы вельмі насычаную і разнастайную праграму. Вось і сёлета тысячы гледачоў змогуць на працягу трох дзён, з 14 па 16 чэрвеня, убачыць і пачуць цікавыя класічныя і сучасныя творы, паказы якіх пройдуць на некалькіх сцэнічных пляцоўках.
У другі фестывальны дзень жыхароў і гасцей Нясвіжа чакаюць яшчэ адзін канцэрт, прысвечаны творчасці Станіслава Манюшкі, і захапляльная опера Джакама Пучыні «Тоска». У нядзелю, 16 чэрвеня, струнны квінтэт «Серэнада» пацешыць выкананнем музычных твораў са знаёмых кінафільмаў, а на галоўнай сцэне ва ўнутраным двары замка пройдзе гала-канцэрт «Зоркі Вялікага ў Нясвіжы», які завершыць маштабны тэатральны open air. У праграме папулярныя арыі, харавыя сцэны, куплеты і дуэты з залатога фонду сусветнай оперы, а таксама найярчэйшыя фрагменты з любімых балетаў.
mila@sb.by
