Полымя знішчае на сваім шляху ўсё жывое: расліны, мелкіх жывёл, насякомыхФота gants.by
Найбольш «багатым» у гэтым сэнсе стаў Мінскі раён, дзе адбылося 8 загаранняў, другое месца ў Гродзенскага раёна з 7 пажарамі, замыкае тройку Пухаўшчына, дзе выратавальнікі выязджалі тушыць траву 5 разоў. На шчасце, у нядзелю абышлося без ахвяр і значных страт.
— Будынкі не пашкоджаны, загаранне назіралася на невялікіх участках і было аператыўна ліквідавана, — паведаміў Ігар Бародзька, першы намеснік начальніка Пухавіцкага РАНС.
Ёсць пажарная небяспека і ў Мінску, дзе, здавалася б, траву і хмызняк выцясняюць асфальт і разнастайныя пабудовы. У гэтым карэспандэнт «Р» упэўнілася падчас сумеснага рэйду па месцах магчымага ўзнікнення загаранняў на зялёнай зоне Маскоўскага раёна.
Першы прыпынак на нашым маршруце — стары фруктовы сад на вуліцы Машыністаў. Лісце тут не прыбіралася з восені. Гэта, зрэшты, нядрэнна: дрэвы атрымаюць натуральнае арганічнае ўгнаенне. Але сад засмечаны яшчэ і пластыкавымі бутэлькамі, аўтамабільнымі камерамі, пры згаранні якіх утвараецца вельмі таксічны дым.
Пах гару яшчэ вісіць над некалі зялёнай, а цяпер чорная зонай, што знаходзіцца побач з гаражным кааператывам у раёне вуліцы Курчатава. Верагодна, агонь распаўсюдзіўся па сухой расліннасці з-за вогнішча. Пажарных сюды не выклікалі: відаць, справіліся ўласнымі сіламі. Але адміністрацыі гаражнага кааператыва варта праявіць цікавасць да мясцовага «клуба пад адкрытым небам»: па высокіх дрэвах агонь можа дабрацца да машын і праз бетонны плот.
Неасцярожнасць з агнём можа прывесці да знішчэння будынкаўФота naviny.by
Павышаную цікавасць пажарных прыцягвае і вялікае поле, што знаходзіцца на мяжы Фрунзенскага і Маскоўскага раёнаў. Сухое ржышча нярэдка выклікае ў некаторых грамадзян ірацыянальнае жаданне кінуць ў яе запалку. Але гэтай вясной з-за надзвычайнага цяпла поле ўжо зазелянела, так што павінна абысціся без узгаранняў.
Далей наш шлях ляжыць у так званы Рафіеўскі сад, што раскінуўся ўздоўж аднайменнай вуліцы. Гэта любімае месца адпачынку мясцовых жыхароў — на жаль, не заўсёды цывілізаванага. У садзе ёсць месца, адведзенае для мангалаў, але людзі часта ўладкоўваюцца і распальваюць вогнішчы проста сярод дрэў. Непатушаная цыгарэта можа прынесці шмат шкоды. Але пакуль што чорных плям спаленай травы тут не відаць.
— Палы не прыносяць ніякай карысці, наадварот, знішчаюць расліны, жывёл, птушак і насякомых, — кажа Андрэй Берташ, начальнік Маскоўскага РАНС Мінска. — Выпальванне травы прыводзіць да збяднення расліннасці і змяншэння ўрадлівасці глебы. Да таго ж полымя можа перакінуцца на пабудовы, стаць прычынай траўм і нават гібелі людзей.
Так, на мінулым тыдні з-за палу ледзь не пазбавіўся маёмасці гаспадар дома на вуліцы Пучкова ў Гродна. Агонь знішчыў траву на плошчы ў 2 гектары і падабраўся да будынкаў. Полымя пашкодзіла франтон аднапавярховага прыватнага дома, а вось гаспадарчую пабудову, якая стаяла побач, наогул спапяліла.
За незаконнае выпальванне сухой расліннасці прадугледжана адміністрацыйная адказнасць: штраф ад 10 до 40 базавых велічынь (ад 230 да 920 рублёў) — у залежнасці ад плошчы ўзгарання і цяжару наступстваў.
