Не толькі зямля на «трох кітах»,

У ШАРКОЎШЧЫНСКІМ раёне, і асабліва ў апошнія гады, ва ўсіх сферах жыцця назіраецца актыўнасць моладзі: маладыя аратыя сталі пераможцамі ў вобласці, тэаквандысты заявілі пра сябе не толькі ў рэспубліцы, але і на міжнароднай арэне, а ў конкурсе на лепшы падворак удзельнічала больш за сотню маладых сямей. Нідзе не збіраецца на турыстычны злёт столькі народу, як тут.

ці Чаму для правядзення Рэспубліканскага семінара па праблемах работы з моладдзю выбралі Шаркоўшчынскі раён

У ШАРКОЎШЧЫНСКІМ раёне, і асабліва ў апошнія гады, ва ўсіх сферах жыцця назіраецца актыўнасць моладзі: маладыя аратыя сталі пераможцамі ў вобласці, тэаквандысты заявілі пра сябе не толькі ў рэспубліцы, але і на міжнароднай арэне, а ў конкурсе на лепшы падворак удзельнічала больш за сотню маладых сямей. Нідзе не збіраецца на турыстычны злёт столькі народу, як тут.

Усё можна патлумачыць тым, што на Шаркоўшчыне маладым удзяляецца вялікая ўвага: маральная і матэрыяльная падтрымка пры паступленні на работу ажно да атрымання жылля. Для заняткаў спортам адкрыта 10 фізкультурна-аздараўленчых цэнтраў, пераважна ў сельскай мясцовасці. Пабудаваны гарадскі стадыён з актыўным удзелам моладзі.

Чытач можа запярэчыць, што такое або падобнае ёсць і ў іншых месцах. Дык у чым жа фенамен Шаркоўшчыны?

У раёне ўсяго моладзі ад 14 да 31 года — 2800 чалавек. У тым ліку працуючай — 2100. Каб прадметна праводзіць дзяржаўную маладзёжную палітыку, дайсці да кожнага, у працоўных калектывах уведзены пасады спецыялістаў па рабоце з моладдзю: у 9 сельгаспрадпрыемствах і 17 арганізацыях. Каардынатар — ад- дзел па справах моладзі райвыканкама, які распрацаваў спецыяльную сістэму. Трымаецца яна на «трох кітах»: стварэнне ўмоў для прафесійнага і сацыяльнага станаўлення моладзі, культурна-масавая работа і прапаганда здаровага вобразу жыцця.

У ААТ «Княж» спецыялістам па рабоце з моладдзю з’яўляецца Марына Фёдарава, настаўніца мясцовай Германавіцкай школы. Яе кантынгент — былыя вучні, якія цяпер працуюць у гаспадарцы механізатарамі, жывёлаводамі, паляводамі. Дзень Марыны дзеліцца як бы на дзве часткі: зранку яна ў школе, а пад вечар — на фермах, у майстэрні, спортзале. Работы хапае. Чаго толькі вымагае конкурс «Лепшы па прафесіі», які праводзіцца сярод усёй моладзі. Пры падвядзенні вынікаў — а яны заносяцца на спецыяльны экран — улічваюцца выкананне планавых паказчыкаў, прадпрымальнасць і рацыяналізатарства, якасць работы, вытворчая дысцыпліна. За кожны — выстаўляюцца балы. А потым фарміруецца маладзёжная Дошка гонару. На ёй — механізатары Сяргей Хаданёнак і Аляксей Смерцьеў, вадзіцель Леанід Пянкоўскі, іншыя.

Анастасія Пісарэнка, якая летась закончыла Глыбоцкі прафесійна-тэхнічны ліцэй і вярнулася працаваць у родную гаспадарку, стала лепшай сярод маладых аператараў машыннага даення ў першым квартале гэтага года і абараняла гонар калектыву на раённым конкурсе. На асобным стэндзе інфармацыя аб наведванні моладдзю спартыўных секцый, гульнявых відаў спорту. Трэба зазначыць, што сама Марына Фёдарава — цудоўная спартсменка, адна з лепшых валейбалістак раёна і трэнер. Каманда ААТ «Княж» па валейболу, перацягванню каната, спаборніцтвах на «Сельскіх гульнях», «Шаркоўшчынскай лыжні» заняла летась першыя месцы!

Яшчэ адзін важны накірунак работы Марыны Фёдаравай — маладзёжны падворак. На вуліцы Прохарава, дзе ў прэзідэнцкіх дамах пасяліліся маладыя сем’і, ці не кожная трымае на падворку жывёлу. Так, у перадавога механізатара Сяргея Хаданёнка гадуецца бык. Да гэтага здаў два, за якія набыў мэблю ў новы катэдж, ноутбук і іншае.

Сям’я маладога ветурача Алесі Пучынскай трымае дзвюх кароў, парасё, курэй, качак. Разлічвае перамагчы ў конкурсе і артымаць «жывы» прыз — цяля. А яшчэ ў планах — памяняць восенню машыну. Падсобная гаспадарка «падсобіць»!

Поле дзейнасці Марыны Фёдаравай шырокае, як, між іншым, і ў яе калег па рабоце з моладдзю. Ёсць канкрэтныя вынікі. І таму нездарма тут праведзены Рэспубліканскі семінар-вучоба «Практыка работы з моладдзю ў працоўных калектывах Шаркоўшчынскага раёна».

З прывітальным словам на ім выступіў старшыня райвыканкама Мікалай Баговіч. Аб формах і метадах работы з моладдзю расказаў начальнік аддзела па справах моладзі райвыканкама Ігар Іваноў.

Удзельнікі семінара наведалі цэнтральную раённую бальніцу, маладзёжны цэнтр «Атлант» ДБУ-26, Германавіцкую і Лужкаўскую СШ, фізкультурна-аздараўленчы цэнтр аграгарадка «Лужкі».

У рабоце семінара прыняў удзел Міхаіл Кустоўскі, дэкан факультэта павышэння кваліфікацыі Інстытута дзяржаўнай службы Акадэміі ўпраўлення пры Прэзідэнце Рэспублікі Беларусь.

Уладзімір САУЛІЧ, «БН»

Фота аўтара

Заметили ошибку? Пожалуйста, выделите её и нажмите Ctrl+Enter
Версия для печати
Заполните форму или Авторизуйтесь
 
*
 
 
 
*
 
Написать сообщение …Загрузить файлы?