Магчыма, ужо ў наступным годзе ў такое ж падарожжа змогуць адправіцца і кітайскія аматары дэтэктыўных гісторый. Такую навіну анансавалі на мінулым тыдні ў Міністэрстве інфармацыі. Выхад кнігі запланаваны да 90-годдзя класіка, якое будзе адзначацца ў 2020-м. Мяркуецца, яна з’явіцца ў сетцы кнігарняў Кітая.
Аповесць «Дзікае паляваннае караля Стаха» была напісана ў 1958 годзе, а ўпершыню апублікавана ў часопісе «Маладосць» у 1964-м. Прайшло 55 гадоў з моманту прэзентацыі кнігі шырокай аўдыторыі, а цікавасць да яе не згасае да сёння. Чаму?
Такой аповесць Уладзіміра Караткевіча ўбачылі ў 2013 годзе брытанцы. |
Гэта аповесць — першы беларускі дэтэктыў. Уладзімір Караткевіч выкарыстоўвае тут такія прыёмы, як памылковае атаясамленне, падстаўны падазроны, ідэнтыфікацыя невядомых па своеасаблівай лексіцы, чытанне слядоў. Акрамя таго, аўтар пастаянна падтрымлівае напружанне, падвяргаючы героя небяспецы: яго неаднаразова пераследуе дзікае паляванне, на яго ажыццяўляюцца замахі, яго выклікаюць на дуэль, палохаюць прывідамі... Але што важна, у канву аповесці аўтар уключыў не толькі гэтыя інтрыгуючыя дэтэктыўныя прыёмы, але і асабістыя разважанні пра цяжкі лёс нацыі. Кажуць, менавіта з-за таго, што тэма лёсу народа практычна адсутнічала ў першай экранізацыі твора (1979 год), фільм не надта спадабаўся Уладзіміру Караткевічу.
mila@sb.by