Віцебская вобласць – край азёр і ўзгоркаў, прыдзвінскіх бароў і званіц полацкай Сафіі, індустрыяльных гарадоў і інтэнсіўнага аграрнага комплексу ў Год роднай зямлі будуе свае амбіцыйныя планы для таго, каб не проста стаць прыгажэйшай і мацнейшай, але істотна палепшыць свой эканамічны, сацыяльны, інтэлектуальна-духоўны патэнцыял. На гэта нацэльвае органы адміністрацыйнага кіравання на месцах, у раёнах і старшыня Віцебскага аблвыканкама Аляксандр Косінец. У сваім звароце да жыхароў вобласці ён адзначыў, што мэта аб`яўлення 2009 года Годам роднай зямлі – захаванне і памнажэнне нацыянальнай духоўнай і культурнай спадчыны, прыродных багаццяў краіны, самабытных традыцый беларускага народа, выхаванне моладзі ў духу любові да Айчыны і арганізацыя мерапрыемстваў у сувязі са святкаваннем 65-й гадавіны вызвалення Беларусі ад нямецка-фашысцкіх захопнікаў. Указ скіраваны напрамую да кожнага з нас, да нашых грамадзянскіх пачуццяў: патрыятызму, любові да зямлі бацькоў, пакланенню памяці продкаў.
Давайце ствараць парадак і ўтульнасць, станем ініцыятарамі добрых спраў, прапагандыстамі здаровага ладу жыцця. Зробім наш агульны дом зручным для жыцця, больш прывабным, моцным і надзейным!
Совместный спецвыпуск Bитебского облисполкома и «Народной газеты» читайте в приложении «МОЯ БЕЛАРУСЬ»