Упершыню старэйшыны раёна сабраліся на нараду ў Ноўкінскім сельскім доме культуры.
Старшыня Віцебскага райвыканкома Іван Вазьміцель з павагай называе старэйшын сваімі першымі намеснікамі на месцах. Асабліва актыўнымі і аўтарытэтнымі ў гэтым корпусе мясцовага самакіравання лічацца Іван Бруеў з вёскі Бялынавічы, Вера Кір’янава з вёскі Васюты, Анатоль Бульбянкоў з вёскі Мяклова, Ала Яскіна з вёскі Лучынаўка,старшыня вулічнага камітэта аграрнага каледжа Віталій Лаўрышчаў. Яны ўзнагароджаны ганаровымі граматамі Віцебскага райвыканкома.
