Минск
+5 oC
USD: 2.12
EUR: 2.35

Сёмы з’езд беларусаў свету пройдзе сёлета 15—16 ліпеня ў Мінску

Месца і дата — вядомыя

На другім пасяджэнні Кансуль­татыўнага савета па справах беларусаў замежжа Міністр замежных спраў Уладзімір Макей адзначаў, што ў 2017-м пройдзе VII з’езд беларусаў свету. Арганізатарам яго, па традыцыі, выступіць Міжнароднае грамадскае аб’яднанне “Згуртаванне беларусаў свету “Бацькаўшчына”.

“Падрыхтоўка і правядзенне гэтага мерапрыемства стане адным з галоўных кірункаў работы ў сферы ўзаемадзеяння з суайчыннікамі. На з’ездзе павінны быць прыняты сапраўды важныя рашэнні, якія дазволяць актывізаваць дзейнасць беларусаў замежжа”, — казаў кіраўнік знешнепалітычнага ведамства.

Нядаўна ж адбылася сустрэча Уладзі­міра Макея з прадстаўніцамі кіраў­ніцтва ЗБС “Бацькаўшчына” Аленай Макоўскай і Нінай Шыдлоўскай. У прэс-службе МЗС паведамілі, што бакі вялі зацікаўленую размову на тэмы супрацоўніцтва з беларусамі замежжа ў розных сферах, абмеркаваны і пытанні правядзення VII з’езду беларусаў свету”.

Была вызначана і тэма будучага з’езду: “Беларуская нацыя, беларуская дзяржаўнасць, беларускае замежжа — выклікі сучаснасці ды стратэгія развіцця”. А для высвятлення найбольш важных пытанняў, якія хвалююць супляменнікаў, цяпер праводзіцца апытанне. Анкеты дасылаюцца ў беларускія суполкі за мяжой. Існуе і электронная форма апытання — на сайце ЗБС “Бацькаўшчына”.

Нагадаем, што з’езды беларусаў свету ладзяцца раз на чатыры гады, першы прайшоў у 1993 годзе.

Голас Радзімы № 7 (3511), чацвер, 16 лютага , 2017 у PDF
Заметили ошибку? Пожалуйста, выделите её и нажмите Ctrl+Enter
Загрузка...