Артысты “Купалінкі” на маёўцыЯк звычайна, прыйшлі на маёўку прадстаўнікі таварыства стаўрапальчан, на чале з Нінай Саўкінай. Яна пажадала ўсім: жыць у радасці, нягледзячы на тое, што часам у жыцці бываюць нечаканыя сюрпрызы. Шмат прыйшло дзяцей і моладзі: на канцэрт. Акрамя нашага гурта “Купалінка”, паўдзельнічалі ў ім і юныя чытальнікі Дар’я Кужаль і Сямён Карабанаў, студыя сучаснага эстраднага танца “Экспромт” — усе з Палаца творчасці дзяцей і моладзі Цэнтральнага раёна.
Маладыя прыгожыя твары, маляўнічыя строі, чароўныя напевы нашага — народнага! — ансамбля беларускай песні “Купалiнка” сталі ўпрыгажэннем канцэрта. Для нашых спевакоў гэта быў незабыўны дзень. Усе хацелі пасадзіць сваё дрэўца — на памяць, таму рыдлёўкі аж рвалі з рук адзін у аднаго. Жарты, смех... Юнакам і дзяўчатам надоўга запомніцца гэты дзень. Потым госці свята яшчэ высаджвалі дрэвы ў двары і побач з домам Старыкава. І старэйшыя спявалі пад акардэон любімыя песні сваёй маладосці. А пераможцы гістарычнай віктарыны пабывалі на бясплатнай экскурсіі па экспазіцыі “Стары ... новы горад: гісторыя аднаго дома”.
Госці маёўкі яшчэ доўга не разыходзіліся, была сяброўская бяседа ў чайнай альтанцы. Хораша і нам быць ва ўсім гэтым. Мяркуем, падобныя маёўкі будуць мець працяг.
Людміла Дзёміна, г. Тальяці
Голас Радзімы № 18 (3522), чацвер, 18 мая, 2017 у PDF
