Яшчэ больш, каманда Андрэя Піскуновіча вызначылася ў гэтай намінацыі ў міжнародным конкурсе і запрошана на яго заключны этап 18 красавіка ў Маскву. Разам з капітанам паедуць Віктар Пашковіч і Антон Зяленка. А днямі за свой праект Андрэй атрымаў прэстыжную прэмію, якая штогод уручаецца ў Глыбоцкім раёне прадстаўнікам рабочай моладзі, спецыялістам розных галін, навучэнцам устаноў.
Маладзёжным лідарам года названа Ніна Кірпічонак, інжынер па ахове працы СУП «Мнюта». Дзяўчына яшчэ і як сакратар пярвічнай арганізацыі БРСМ актыўна ўдзельнічае ў значных перспектыўных праектах як свайго сельгаспрадпрыемства, так і раёна.
Маладым спецыялістам года стала Аліна Грыбун, інспектар крымінальна-выканаўчай інспекцыі аддзела ўнутраных спраў Глыбоцкага райвыканкама. Пасля вучобы вярнулася на малую радзіму і другі год выдатна нясе службу. Лепшым членам маладзёжнага атрада аховы правапарадку прызнаны вадзіцель Глыбоцкага малочна-кансервавага камбіната Аляксандр Ляшкевіч, які разам з супрацоўнікамі міліцыі актыўна ўдзельнічае ў патруляванні горада, рэйдах.
Віншуючы лаўрэатаў, старшыня райсавета дэпутатаў Вера Цяліца пажадала:
— Вам працягваць добрыя традыцыі, якія склаліся ў раёне. Памятайце, у гэтых дасягненнях ёсць часцінка вашых бацькоў, настаўнікаў, трэнераў. Не спыняйцеся на дасягнутым, ідзіце наперад, выкарыстоўвайце ўсе магчымасці і перспектывы, якія вам дадзены дзяржавай.
saulich@bk.ru
Фота Алены ХАЙНОЎСКАЙ.