Дабро заўсёды зло перамагае.
Але ж уцяміць я не змог:
Выходзіць, так яно бывае,
Што добры той, хто перамог?..
* * *
— Якою карай за грахі
Гасподзь Адама пакараў?
— Прысуд гасподні быў такі:
Яму як кару Еву даў.
* * *
Глядзяць мужчыны
й прыкмячаюць —
Жанчыны розныя такія.
Яны і поўныя бываюць,
Бываюць, праўда, і пустыя.
* * *
— Сынок, ты грушу тую з’еў?
— Я на яе і не глядзеў!
— А мо, яшчэ адну з’ясі?
— Канечне, з’ем, калі дасі!
