Моцная стыхія прайшла амаль па ўсёй краіне.
Стыхія не толькі падтапіла вуліцы, але стала прычынай шматлікіх пажараў на тэрыторыі нашай краіны. Напрыклад, у Гродзенскім раёне ад моцных удараў маланак успыхнулі дзве гаспадарчыя пабудовы і нежылы дом.
Маланкі прывялi i да таго, што электрычнасці месцамi ўвогуле не было. Па даных ДВА «Белэнерга», на шэсць гадзiн ранiцы 26 ліпеня заставаліся без электразабеспячэння 37 населеных пунктаў. Трэба дадаць, што першапачаткова ў час разгулу стыхіі праблемы з электрычнасцю былі ў 283 населеных пунктах. Але пасля работы аварыйных брыгад шмат парушэнняў было выпраўлена.
Перамяшчэнне на транспарце таксама стала праблематычным. У Мінску было падтоплена 14 участкаў дарог, з-за непагадзі спыняўся транспарт: ад 25 хвілін да 3 гадзін стаялі тралейбусы і аўтобусы. Самалёты таксама не вытрымлівалі націску надвор’я. З-за неверагодна высокай колькасці ападкаў у галоўным горадзе краіны самалёты «Белавія», што ляцелі ў Мінск з Кіева і Калінінграда, вымушаны былі прызямліцца ў Гомелі. Там пасажыры знаходзiлiся каля 30 хвілін. Супрацоўнікі аэрапорта пастараліся зрабіць iх незапланаваны прылёт максімальна камфортным.
Сіноптыкі кажуць, што ў бліжэйшы час асцерагацца паўторнай стыхіі не трэба. Ліўні, канешне, будуць. Месцамі нават з навальніцамі і парывістым паветрам, але такой сілы ўжо не чакаецца.
Наталля ТЫЧКО
ntsh97@gmail.com