На суд журы былі прадстаўлены дасягненні ў дамашняй гаспадарцы, а таксама спрыт гатаваць сялянскія прысмакі, вітаць гасцей па-беларуску і многае іншае.
З Верхнядзвінскага раёна прыехала вельмі цікавая сям’я Курылёнкаў. Эдуард — адзін з лепшых механізатараў КУВСГП «Лявонішана», прафесійна валодае ўсімі відамі сельскагаспадарчай тэхнікі: вясною сеяў, летам нарыхтоўваў кармы, убіраў збажыну. З аўторка перасаджваецца на бульбаўборачны камбайн. Раіса, яго жонка, перадавы аператар машыннага даення. У Курылёнкаў ёсць прыстойны агарод. На сваім падворку гадуюць свіней, птушку.
Добрае веданне вясковага жыцця паказалі таксама сем’і Аляксандра і Вольгі Рамановіч з КУП СГП «Маркава» Шаркаўшчынскага раёна, Сяргея і Ірыны Лабейкаў з Шуміліна і іншыя.
Уладзімір САУЛІЧ, «СГ»
Фотаздымак polese.by