Фестываль прадставіць 28 карцін, у тым ліку 15 міжнародных поўнаметражных фільмаў, 8 дакументальных стужак са Швецыі, Даніі, Фінляндыі, Ісландыі, Нарвегіі, Літвы, Латвіі, Эстоніі і 5 кароткаметражак са Швецыі. Упершыню створана асобная паўнавартасная беларуская праграма з 8 стужак. Будзе магчымасць убачыць паэтычнае эсэ «Эпітафія» кінарэжысёра Віктара Аслюка, «Межы» Юлі Шатун, «Невядомы рай» Дар'і Юркевіч, «Шлях дадому» Арцёма Лобача і іншыя. Сярод беларускіх аўтараў ёсць нямала маладых і перспектыўных рэжысёраў.
Акрамя паказу фільмаў, на індустрыяльнай платформе «Паўночнага ззяння» адбудуцца 7 мерапрыемстваў — за іх трансляцыяй варта сачыць у сацыяльных сетках. Будуць падняты пытанні разумення мастацтва, яго інтэрпрэтацыі ў кіно ці жывапісе, блізкасці беларусаў з суседзямі з Паўночнай Еўропы і гэтак далей.
Фестываль «Паўночнае ззянне» пазнаёміць анлайн з 28 фільмамі.
