Тэлеканал BBC News вырашыў вызначыць лепшую кампазiцыю за ўсю 65-гадовую гiсторыю правядзення песеннага конкурсу «Еўрабачанне». Дзеля гэтага было арганiзавана апытанне сярод тэлегледачоў. У вынiку пераможцам стала песня гурта ABBA Waterloo. З гэтым хiтом шведскi квартэт выйграў «Еўрабачанне» ў 1974 годзе. Затым песня ўзляцела на вяршынi брытанскiх i сусветных чартаў, а гурт ABBA здабыў сусветную вядомасць. Waterloo стала адзiнай песняй — удзельнiцай «Еўрабачання», якая ўвайшла ў дзясятку лепшых песень у 15 краiнах. Усяго прададзена звыш шасцi мiльёнаў копiй гэтай кампазiцыi.
Аднойчы Waterloo ўжо прызнавалi лепшай песняй «Еўрабачання». Гэта адбылося ў 2005 годзе ў межах цырымонii святкавання 50-гадовага юбiлею конкурсу. На гэты раз перамогу Waterloo агучылi ў эфiры праграмы Eurovision: Come Together, якая выйшла на экраны замест трансляцыi самога конкурсу.
Нагадаем, «Еўрабачанне-2020» павiнна было прайсцi ў нiдэрландскiм Ратэрдаме ў сярэдзiне мая, аднак Еўрапейскi вяшчальны саюз адмянiў конкурс з-за пандэмii. Замест фiналу 16 мая арганiзатары правялi двухгадзiннае анлайн-шоу, якое трансліравалася ў 45 краiнах. Падчас шоу было афiцыйна аб'яўлена, што ў наступным годзе «Еўрабачанне» пройдзе ў Ратэрдаме.
mila@sb.by
