Нацыянальнай інфраструктурнай стратэгіяй да 2030 года вызначаны топ-100 інфраструктурных праектаў, у тым ліку для магчымай рэалізацыі на прынцыпах ДПП.
— Да ўвагі міжнародных інвестараў у Лондане прадставяць як сам праект, прапанаваны да рэалізацыі, так і інвестыцыйны клімат і магчымасці нашай краіны. Пасля Road Show усе жадаючыя будуць запрошаны да ўдзелу ў конкурсе, які пройдзе, як чакаецца, у першым квартале гэтага года. Для Беларусі гэта першы пілотны праект, прапанаваны да рэалізацыі на прынцыпах ДПП. Такая форма супрацоўніцтва добра знаёма міжнародным інвестарам і з’яўляецца ўзаемавыгаднай і надзейнай для абодвух бакоў. Зацікаўленасць праектам мы бачым: на Road Show зарэгістраваліся больш за 50 удзельнікаў з розных краін. Сказаць, колькі з іх прымуць рашэнне ўдзельнічаць у конкурсе, цяжка, але я ўпэўнены, што цікавасць, безумоўна, будзе, а пераможа ўдзельнік з лепшай прапановай.
У Міністэрстве транспарту і каму-нікацый нагадваюць: падрыхтоўка праекта вялася два гады, за гэты час прайшло нямала кансультацый з міжнароднымі экспертамі, распрацавана заканадаўства. Пачынаць заўсёды няпроста, канстатуюць спецыялісты, аднак старт дадзены, а гэта значыць, што за першым праектам будуць і іншыя.
ПУНКТ ГЛЕДЖАННЯ
— Усе мы спадзяёмся, што старт будзе паспяховым і мы зможам развіваць праекты ДПП і вырашаць важныя задачы. Вы спытаецеся, якія? Гаворка пра тое, што дзяржаўны бюджэт павінен браць на сябе доўгатэрміновыя абавязацельствы, бізнес павінен браць на сябе рызыкі, усведамляць і пралічваць іх. Усе разумеюць: гэта даволі складаныя праекты, доўгатэрміновыя, дарагія, як правіла. Аднак, думаю, нам усё пад сілу, калі мы будзем дзейнічаць сумесна. Тут я хацеў бы правесці аналогію: вельмі ўдалым «праектам» (хоць і не звязаным з ДПП) стала сумесная праца бізнесу і ўлады па падрыхтоўцы новай рэдакцыі Падатковага кодэкса. У кароткія тэрміны ўдалося правесці вялікую работу, знайсці кансэнсус па шматлікім спрэчным пытанням, якія перашкаджалі дзелавым колам. Дзяржаўна-прыватнае партнёрства – гэта прыкладна такая ж праца: калі трэба знаходзіць агульныя падыходы і яднаць інтарэсы дзяржавы і бізнесу.
ПАДРАБЯЗНАСЦІ
— Важна, каб першы вопыт аказаўся станоўчым. Таму што дзяржаўна-прыватнае партнёрства — гэта новая і вельмі перспектыўная мадэль супрацоўніцтва дзяржавы і бізнесу пры рэалізацыі важных сацыяльных інфраструктурных праектаў. 16 студзеня ў штаб-кватэры Еўрапейскага банка рэканструкцыі і развіцця ў Лондане запланавана правядзенне інвестыцыйнай канферэнцыі, прысвечанай прэзентацыі першага пілотнага праекта ДПП па рэканструкцыі ўчастка аўтамабільнай дарогі М-10. Роўд-шоу неабходна для маркетынгавага прасоўвання праекта і накіравана на прыцягненне цікавасці вядомых сусветных кампаній.
Прадстаўнічая беларуская дэлегацыя выступіць на канферэнцыі з прэзентацыяй інвестыцыйнага клімату і дзелавога патэнцыялу краіны. Асобныя панэлі будуць прысвечаны тэхнічным, фінансавым і прававым асаблівасцям праекта М-10, а таксама прэзентацыі прававога рэжыму Кітайска-Беларускага індустрыяльнага парка «Вялікі камень». Акрамя таго, запланаваны шэраг двухбаковых сустрэч з кіраўніцтвам і менеджментам ЕБРР, а таксама з прадстаўнікамі міжнароднай інвестыцыйнай супольнасці.
У выпадку паспяховага старту першага праекта ДПП будуць і іншыя. Нацыянальнай інфраструктурнай стратэгіяй да 2030 года вызначаны топ-100 інфраструктурных праектаў, у тым ліку для магчымай рэалізацыі на прынцыпах ДПП.
За два гады прыватны партнёр павінен давесці 85 км участка дарогі М-10 да параметраў І-В-катэгорыі.
ТЫМ ЧАСАМ
Прыватныя нюансы 1 лютага ўступаюць у сілу дапаўненні і змяненні ў Закон аб ДПП. Новаўвядзенні выключаюць магчымасць выбіраць прыватнага партнёра без правядзення конкурсу, а таксама абавязваюць яго пераможцу пакрыць іншым удзель-нікам, якія рыхтавалі прапановы аб рэалізацыі праекта ДПП, абгрунтаваныя затраты. Парадак кампен-сацыі вызначыць Савет Міністраў. Гэта стане стандартнай умовай конкурсу ДПП для стварэння працуючага механізма і прававых падстаў для такога пакрыцця.
Яшчэ адна асаблівасць. Згод-на з новай рэдакцыяй закона прыватным партнёрам можа быць камерцыйная арганіза-цыя, створаная ў адпаведнасці з нашым заканадаўствам, альбо беларускі індывідуальны прадпрымальнік, з якімі заключана пагадненне аб дзяржаўна-прыватным партнёрстве. А вось удзельнічаць у конкурсе могуць юрыдычныя асобы (або іх група), замежная арганізацыя (група), якая не з’яўляецца юрыдычнай асобай, беларускі індывідуальны прадпрымальнік. Юрысты звяртаюць увагу: калі замежная кампанія становіцца пераможцам конкурсу, па законе яна павінна стварыць камерцыйную арганізацыю ў Беларусі. Таксама ўпершыню дазволена кансорцыумам выступаць калектыўным удзельнікам конкурсу ДПП. У выпадку перамогі групы юрыдычных асоб яны змогуць стаць прыватным партнёрам, стварыўшы кампанію ў Беларусі.
Дарэчы, нават калі заяўку на конкурс падасць адзін удзельнік, будзе лічыцца, што конкурс адбыўся. У такім выпадку камісія разглядае конкурсную прапанову і прызнае яго пераможцам, калі дакументацыя адпавядае ўсім патрабаванням. Раней на гэтай падставе конкурс прызнаваўся несапраўдным, а з адзіным удзельнікам заключалі пагадненне аб ДПП на прапанаваных ім умовах.
konoga@sb.by
