Шматгранным і глыбокім атрымаўся і новы спектакль Горкаўскага тэатра. У ім падымаюцца хвалюючыя праблемы быцця і духоўнасці, аналізуецца чалавечая душа. А кожны яго персанаж — асобны свет са сваімі ўяўленнямі і звычкамі, жывы чалавек, які агаляе перад гледачамі боль, радасць, сумневы існавання.
Ажыццявіў пастаноўку «Братоў Карамазавых» новы творчы тандэм — мастацкі кіраўнік тэатра Сяргей Кавальчык, вядомы складанымі і маштабнымі работамі, і народная артыстка Беларусі Вольга Клебановіч, якая дэбютуе ў ролі рэжысёра. Занятыя ў спектаклі народны артыст Аляксандр Ткачонак, заслужаны артыст Валерый Шушкевіч, Аляксандр Палазкоў, Ягор Траццякоў, Руслан Чарнецкі, Сяргей Жбанкоў і іншыя яркія акцёры тэатра.
mila@sb.by