Разам з тым новыя лабараторыі будуць даступныя для ўсіх студэнтаў БДУІР. І гэта добра, таму што тэхналогіі Cisco, па словах Міхаіла Батуры, сёння патрэбныя ўсім спецыялістам, якія працуюць у сферы IT-тэхналогій. Хлопцы і дзяўчаты будуць вучыцца праектаванню, будаўніцтву і эксплуатацыі лакальных і глабальных сетак. Перавага навучання — гэта яго скіраванасць на атрыманне практычных навыкаў у працэсе выканання лабараторных заданняў на рэальным абсталяванні. Дарэчы, сёння праграма дзейнічае ў 165 дзяржавах, уключаючы Беларусь і іншыя краіны СНД.
Студэнты будуць асвойваць матэрыял з дапамогай праграмных мадэляў, гульняў і сацыяльных сетак, змогуць адсочваць прагрэс навучання праз анлайн-ацэнкі. Пасля заканчэння курсаў яны атрымаюць прафесійныя сертыфікаты Cisco, якія прызнаюцца ва ўсім свеце. Гэта значна павысіць канкурэнта-здольнасць студэнтаў ВНУ на рынку працы ў будучыні.
