СУП 3 ЛIСIЧАК
Складнiкi: 500 г свежых лiсiчак, 100 г сала, 1 цыбулiна, 1 ч. лыжка мукi, 2 ст. лыжкi смятаны, соль, перац.
Сала нарэзаць дробнымi скрылькамi, патаўчы ў ступцы i падсмажыць на iм дробна нарэзаную цыбулю. Дадаць добра прамытыя ў вадзе лiсiчкi i тушыць 45 хвiлiн. Затым грыбы залiць варам, пасалiць i давесцi да кiпення. Пры жаданнi забялiць суп смятанай, змешанай з мукой, пасыпаць перцам.
ЯЛАВIЧЫНА*, ТУШАНАЯ 3 ЧАРНАСЛIВАМ
Складнiкi: 700 г ялавiчыны, 100 г карэйкi, 100 г чарнаслiву, 50 г кораня пятрушкi, 1 морква, 1 цыбулiна, 10 г мукi, 100 г смятаны, 20 г тлушчу, прыправы, соль.
Мяса абмыць, ачысцiць ад плевак, нашпiгаваць брусочкамi карэйкi, абсмажыць у тлушчы. Перакласцi мяса ў рондаль, дадаць дробна нарэзаныя моркву, пятрушку i цыбулю, улiць шклянку вады i тушыць на слабым агнi каля гадзiны, затым абкласцi чарнаслiвам i прыправамi, тушыць яшчэ каля 30 хвiлiн да гатовасцi.
Мяса i чарнаслiў выняць, адвар працадзiць праз друшляк, дадаць смятану з мукой, пракiпяцiць. Гэтай заправай палiць нарэзанае мяса i чарнаслiў.
* Ялавiчына - телятина
БАБIНА КАША
Складнiкi: 1 кг манных круп, 2 ст. лыжкi сметанковага масла, 3 яйкi, цукар, разынкi*, соль.
Манныя крупы засыпаць у чыгун з кiпенем i варыць амаль да гатовасцi. Затым пакласцi сметанковае масла, разынкi, цукар, яйкi i перамяшаць. Паверхню кашы вышмараваць узбiтым жаўтком, змяшаным са сметанковым маслам, i паставiць запякацца ў духоўку да гатовасцi.
* Разынкi - изюм
ШЫНКА ПА-ТРАДЫЦЫЙНАМУ
Складнiкi: 3 кг свiнiны (кумпяка* цi лапаткi са скурай i салам), 30 г чорнага i 15 г белага перцу, 30 гарошын духмянага перцу, 30 г каляндры*, 10 г кмену*, 75 г солi.
Мяса нацерцi соллю, змясцiць у керамiчны посуд, паставiць у холад на 2 сутак (пераварочваючы 2 разы на дзень). Мяса абцерцi, абсушыць, абсыпаць сумессю молатых перцаў i каляндры, а таксама кменам, загарнуць у марлю, абматаць шпагатам, падвесiць у сухiм памяшканнi, якое ветрыцца, на 3 сутак (да ўтварэння сухой скарыначкi), затым перавесiць у сухое прахалоднае месца на 4 - 5 тыдняў.
* Кумпяк - окорок
Каляндра - кориандр
Кмен - тмин
КАМЫ
Складнiкi: 1 кг бульбы, 100 г сала, 3 цыбулiны, 50 г тлушчу, соль.
Ачышчаную бульбу зварыць i патаўчы. Дробна нарэзанае сала падскварыць разам з нашаткаванай цыбуляй, далучыць да бульбы, перамяшаць. 3 атрыманай масы скачаць шарыкi ўвелькi з невялiкi яблык, абкачаць у муцэ, падсмажыць на патэльнi да атрымання румянай скарыначкi, а потым запячы ў духоўцы.
КАНДЗЁР
Складнiкi: 1 кг мяса, 200 г проса, 200 г бульбы, 1 морква, 5 зубкоў часнаку, 3 цыбулiны, лаўровы лiст, чорны молаты перац, соль.
У кiпень спачатку пакласцi вымачанае мяса дзiчыны i прамытае проса; варыць, пакуль яны не разварацца. Затым дадаць дробна нарэзаныя бульбу, моркву, часнок i цыбулю. Пасля гадзiны кiпення прысмакаваць лаўровым лiстом, чорным перцам i соллю.
На апошнiм этапе прыгатавання ў касцёр трэба падкласцi сырыя дровы, найлепш ядлаўцовыя*, каб выклiкаць густы дым. Гэта патрабуецца для надання страве спецыфiчнага - кастравога водару; 15 хвiлiн патрымаць на невялiкiм агнi, i страва прыгатавана.
* Ядловец - можжевельник
По просьбе уважаемого Ю.Качука причитающийся ему авторский гонорар будет перечислен на счета Зельвенского районного социально-педагогического центра и Центра коррекционно-развивающего обучения и реабилитации г.п. Зельва.
