Гатуй сваё

Рэцэпты беларускай кухнi ад Юрыя Качука

ГРЫБНАЯ САЛЯНКА


Складнiкi: 25 г сушаных баравiкоў, 100 г салёных грыбоў, 300 г шаткаванай свежай капусты, 200 г кiслай капусты, 1 морква, 30 г кораня салеры*, 30 г кораня пятрушкi, 2 цыбулiны, 2 памiдоры, 2 ст. лыжкi сметанковага масла*, 12 алiў, 3 ст. лыжкi смятаны, 1/2 цытрыны*, 6 гарошын чорнага перцу, лаўровы лiст, соль, зелянiна кропу.


Грыбы прамыць у вадзе, замачыць на 2 - 3 гадзiны. Затым адварыць, працадзiць, нарэзаць саломкай i разам з нашаткаванымi морквай, пятрушкай i салерай iзноў апусцiць у адвар, трохi паварыць. Свежую i кiслую капусту, здробненыя памiдоры i цыбулю тушыць з маслам да мяккасцi. Падрыхтаваную капусту i грыбы злучыць з прываркам*, дадаць прыпраў i варыць каля 15 хвiлiн на слабым агнi. Салянку забялiць смятанай, дадаць цытрынавага соку, пасыпаць зелянiнай кропу.


* Салера - сельдерей


Сметанковае масла - сливочное масло


Цытрына - лимон


Прыварак - отвар, бульон


САЛАТА 3 МАРЫНАВАНЫХ ГРЫБОЎ I ЗЯЛЁНАГА ГАРОШКУ


Складнiкi: 200 г грыбоў, 200 г зялёнага гарошку, 2 кiслыя яблыкi, 1 яйка, 3 ст. лыжкi маянэзу, 2 ст. лыжкi смятаны, цукар, 1 чырвоны салодкi перац.


Яйка зварыць i ачысцiць. Грыбы нарэзаць дзелькамi*. Яблыкi нацерцi на буйной тарцы*. Грыбы i яблыкi змяшаць з зялёным гарошкам i прыправiць маянэзам, смятанай i цукрам, пасыпаць сечаным яйкам, зверху ўпрыгожыць колцамi агароднiннага чырвонага перцу.


* Дзелькамi - дольками


Тарка - терка


ВЭНДЖАНАЯ* СУХАЯ КАЎБАСА


Складнiкi: 5 кг ялавiчыны*, 5 кг свiнiны, 2 кг свiнога сала, кiшкi, 150 г солi, 50 г цукру, 500 г спiрту, 20 г салетры, перац да смаку.


Свiнiну i ялавiчыну без костак i плёнак нарэзаць дробнымi кавалкамi, перасыпаць соллю i паставiць у халоднае месца на 2 днi. Сала нарэзаць невялiкiмi кубiкамi i таксама пасалiць. Затым свiнiну i ялавiчыну прапусцiць 2 разы праз мясасечку*, дадаць перац, цукар, салетру i ўсе прыправы, а таксама спiрт. Усю масу змяшаць, дадаць сала i яшчэ раз перамяшаць. Падрыхтаванае мяса паскладаць у плоскi посуд пластом 10 - 12 см i трымаць 2 - 3 сутак на холадзе. Пасля гэтага напоўнiць начыннем прамыя кiшкi даўжынёй да 50 см, канцы перавязаць шпагатам i падвесiць у прахалодным памяшканнi на 3 сутак. Затым вэндзiць каўбасы ў халодным дыме датуль, пакуль абалонка на iх не зморшчыцца. Вытрыманыя ў прахалодным памяшканнi на працягу двух месяцаў, яны спеюць i набываюць добры смак i пах.


* Вэнджаная - копченая


Ялавiчына - телятина


Мясасечка - мясорубка


КАПУСТА ТУШАНАЯ


Складнiкi: 1 кг кiслай капусты, 1/2 л вады, 1 цыбулiна, 30 г сушаных грыбоў, 100 г сала, перац.


Грыбы адварыць у падсоленай вадзе. Адвар працадзiць, грыбы, сала i цыбулю дробна нарэзаць i падсмажыць. Потым перамяшаць з капустай, пакласцi ў чыгунок, залiць грыбным адварам i тушыць у духоўцы 1 гадзiну.


СВIНIНА 3 ФАСОЛЛЮ


Складнiкi: 500 г свiнiны, 200 г фасолi, 30 г тлушчу, 1 цыбулiна, 2 ст. лыжкi таматавай пасты, соль, перац, зелянiна пятрушкi.


Фасоль загадзя замачыць на некалькi гадзiн. Мяса нарэзаць кавалачкамi, пасыпаць перцам i соллю, абсмажыць на тлушчы. Затым паскладаць мяса ў рондаль* уперамежку з фасоллю, улiць шклянку кiпеню i тушыць на працягу гадзiны. Пасля гэтага дадаць падсмажаную цыбулю, таматавую пасту i тушыць яшчэ 15 хвiлiн. Пад канец пакласцi смятану i зелянiну пятрушкi.


* Рондаль - кастрюля


САЧНI


Складнiкi: 800 г бульбы, 4 ст. лыжкi мукi, 2 яйкi, 150 г тварагу, 50 г сметанковага масла, соль.


Зварыць бульбу ў лупiнах, абабраць, патаўчы, дадаўшы палову мукi, адно яйка, соль, добра размяшаць i сфармаваць плоскiя кружочкi, на сярэдзiну якiх пакласцi накрыпку* з тварагу, змешанага з яйкам, краi загарнуць. Сачнi ўкачаць у муку i падсмажыць з абодвух бакоў на сметанковым масле.


* Накрыпка - начинка


По просьбе уважаемого Ю.Качука причитающийся ему авторский гонорар будет перечислен на счета Зельвенского районного социально-педагогического центра и Центра коррекционно-развивающего обучения и реабилитации г.п. Зельва.

Заметили ошибку? Пожалуйста, выделите её и нажмите Ctrl+Enter