Гатуй сваё

Рэцэпты беларускай кухнi ад Юрыя Качука

ГРЫБЫ, ЗАПЕЧАНЫЯ Ў СМЯТАНЕ


Складнiкi: 500 г свежых грыбоў (баравiкоў, падбярозавiкаў i шампiньёнаў), 3 ст. лыжкi сметанковага масла, 2 ст. лыжкi цёртага сыру, 500 г смятаны, зелянiна пятрушкi цi кропу.


Грыбы перабраць, памыць, адварыць i нарэзаць. Абсмажыць у масле на працягу 10 — 15 хвiлiн, залiць смятанай i 5 хвiлiн кiпяцiць, пасыпаць цёртым сырам, апырскаць маслам i запячы ў духоўцы да атрымання румянай скарыначкi. Пасыпаць насечанай зелянiнай кропу цi пятрушкi.


СЕЛЯДЗЕЦ 3 ПАМIДОРАМI


Складнiкi: 1 селядзец, 3 памiдоры, 1 цыбулiна, 30 г алею, чорны молаты перац, зелянiна пятрушкi.


Ачышчаны ад костак i скуры селядзец нарэзаць упоперак тонкiмi кавалачкамi. Памiдоры i цыбулю нарэзаць кружкамi, пакласцi на кавалкi селядца, пасыпаць чорным молатым перцам i палiць алеем.


КАРП 3 ЧЫРВОНЫМ ПЕРЦАМ


Складнiкi: 800 г рыбы, 30 г сметанковага масла, 500 г бульбы, 150 г смятаны, 1 ст. лыжка молатых сухароў, чырвоны молаты перац, соль, зелянiна пятрушкi i кропу.


Вычышчаную рыбу нарэзаць на кавалкi, нацерцi соллю, пасыпаць перцам. У рондаль, змазаны маслам, пакласцi нарэзаную кружочкамi бульбу, пасыпаць перцам i соллю да смаку, змясцiць на яе рыбу, улiць 100 г смятаны i паставiць на 20 хвiлiн у не вельмi гарачую духоўку. Затым улiць у рондаль астатнюю смятану i тушыць рыбу яшчэ 20 хвiлiн. Сухары падрумянiць на сметанковым масле, дадаць у рыбу i патрымаць на моцным aгнi да атрымання зверху румянай скарыначкi.


КАЎБАСА 3 ПЕЧАНI


Складнiкi: 1 кг печанi, 200 г сала, 2 цыбулiны, свiная кiшка, 30 г тлушчу, соль.


Печань ялавiчную цi свiную прамыць, зняць плёнку, вызвалiць ад жоўцевых праток i яшчэ раз прамыць. Сала, цыбулю i падрыхтаваную печань нарэзаць дробнымi кубiкамi, дадаць прыправы, соль, перамяшаць i напоўнiць гэтым начыннем прамытую свiную кiшку. Каўбасу адварыць, а затым абсмажыць.


ЗЭЛЬЦ


Складнiкi: 200 г свiной печанi, 500 г свiнога сэрца, 300 г свiных вушэй, 500 г свiной галавiзны, 1 свiны страўнiк, 1 цыбулiна, 1 морква, 100 г карэнняў пятрушкi, салеры i часнаку, соль i прыправы да смаку.


Вычышчаны ад слiзi свiны страўнiк прамыць слабым растворам марганцоўкi i нацерцi соллю i содай. Пакiнуць на 40 хвiлiн, пасля чаго палiць страўнiк воцатам, калi шум асядзе, старанна прамыць i вычысцiць страўнiк. Усе мясныя прадукты разам з карэннямi i прыправамi варыць у салёнай вадзе да гатовасцi. Печань варыць не больш за 7 — 8 хвiлiн. Затым усё астудзiць, нарэзаць кубiкамi, дадаць расцёрты часнок i перац, улiць трохi мяснога адвару. Прыгатаванай сумессю напоўнiць абалонку (страўнiк), зашыць i адварыць у салёнай вадзе, асцярожна выняць, астудзiць. Пакласцi пад прэс на 1 суткi.


КАПУСНIК 3 КIСЛАЙ КАПУСТЫ


Складнiкi: 500 г мяса, 500 г кiслай капусты, 1 морква, 1 цыбулiна, 30 г кораня салеры, 30 г кораня пятрушкi, 1 ст. лыжка мукi, 2 ст. лыжкi сметанковага масла, 2 ст. лыжкi таматавай пасты, соль, прыправы.


Зварыць мясны прыварак*. Пакласцi ў другi рондаль кiслую капусту (калi капуста вельмi кiслая, неабходна папярэдне яе адцiснуць), дадаць 1 1/2 шклянкi вады, трохi сметанковага масла i тушыць пад накрыўкай каля гадзiны.


Пасля гэтага капусту залiць прываркам, пакласцi падсмажаныя з таматавай пастай моркву, цыбулю, каранi салеры i пятрушкi i варыць да поўнай гатовасцi. Перад канцом варкi дадаць лаўровага лiсту, перцу, солi i ўлiць мучную заправу.


Капусту можна прыгатаваць i такiм спосабам: капусту i прамытае мяса пакласцi ў рондаль, залiць вадой i паставiць варыць. Асобна падсмажыць разам з таматавай пастай карэннi i цыбулю i за 20 — 30 хвiлiн да канца варкi пакласцi iх у капусту, дадаўшы лаўровага лiсту, перцу, солi i падсмажанай мукi.


* Прыварак — бульон


По просьбе уважаемого Ю.Качука причитающийся ему авторский гонорар будет перечислен на счета Зельвенского районного социально-педагогического центра и Центра коррекционно-развивающего обучения и реабилитации г.п. Зельва.

Заметили ошибку? Пожалуйста, выделите её и нажмите Ctrl+Enter