РАГУЛЯ («БУЛЬБЯНЫ ХЛЕБ»)
Складнiкi: 1 1/2 бульбы, 100 г малака, 25 г дражджэй, 6 ст. лыжак грэцкай мукi*, 1 ст. лыжка пшанiчнай мукi, соль.
Бульбу абабраць, памыць. Зварыць 2 бульбiны i зрабiць з ix булдаву*, дадаць 25 г расчыненых у малацэ дражджэй i 2 ст. лыжкi грэцкай мукi. Паставiць у цяпло, каб заквасiлася. Астатнюю бульбу нацерцi на тарцы, адцiснуць сок, дадаць 4 ст. лыжкi грэцкай мукi i раней прыгатаваную рошчыну, паставiць на 9 гадзiн у цяпло. Потым злiць вадкасць, пасалiць, крышку падпылiць пшанiчнай мукой. Атрыманае цеста раскатаць таўшчынёй у 4 см, пакласцi на бляху i 30 хвiлiн выпякаць у печы.
* Грэцкая мука — гречневая мука.
* Булдава — здесь: картофельное пюре.
СУП 3 МЯСНЫМI ГАЛКАМI
Складнiкi: 2 л мяснога адвару, 200 г мяса, 1 яйка, 1 цыбулiна, 20 г сметанковага масла*, часнок, соль, перац, зелянiна пятрушкi i кропу.
Зварыць мясны прыварак*; мяса выняць, адвар працадзiць. Сырое мяса прапусцiць праз мясасечку разам з цыбуляй, дадаць масла, яйка, солi i 3 лыжкi прыварку, перамяшаць. Рукамi, змочанымi ў вадзе, зрабiць галкi ў форме шарыкаў дыяметрам 2 см, адварыць у невялiкай колькасцi падсоленай вады i пакласцi ў талеркi з мясным адварам, дадаць цiснутага часнаку, пасыпаць сечанай зелянiнай пятрушкi i кропу. Галкi можна адварыць у кiпячым мясным адвары, але тады ён атрымаецца не такiм празрыстым.
* Сметанковае масла — сливочное масло.
* Прыварак — навар, бульон.
РАГОЙШ
Складнiкi: Для цеста: 500 г мукi, 2 ст. лыжкi сметанковага масла, 15 г дражджэй, 200 г малака, 2 яйкi, 2 ст. лыжкi алею, цукар, соль. Для накрыпкi: 400 г дробна нарэзанага мяса запечаных курыцы цi гускi, 100 г падсмажанай цыбулi.
Малако нагрэць да тэмпературы не вышэй за 40oС, распусцiць у iм дрожджы i ўсыпаць палову мукi. Падрыхтаваную рошчыну* пакiнуць у цёплым месцы на гадзiну. Калi аб’ём рошчыны павялiчыцца ў паўтара–два разы i яна пачне патроху апускацца, дадаць соль, цукар, сметанковае масла, астатнюю муку i замясiць цеста. Цеста паставiць для закiсання ў цёплае месца яшчэ на дзве гадзiны. Гатовае цеста выкласцi на стол, пасыпаны мукой, падзялiць яго на два роўныя кавалкi, кожны з якiх раскачаць у пласт таўшчынёй прыкладна 3 см i пакласцi ў iх сярэдзiну накрыпку, загарнуць, надаць форму рога. Рагойшы пакласцi на бляху з алеем, вышмараваць узбiтым яйкам, зрабiць праколы для выйсця пары i запячы ў духоўцы.
* Рошчына — опара.
САЛАТА 3 ПЕЧАНI ТРАСКI
Складнiкi: 420 г печанi траскi, 1 бульбiна, 1 цыбулiна, 3 зубкi часнаку, 3 яйкi, 250 г зялёнага гарошку, 1 ст. лыжка здробненых стрэлак часнаку.
Печань траскi i вараныя яйкi здрабнiць, цыбулю нашаткаваць, адвараную ў лупiнах* бульбу абабраць, нарэзаць кубiкамi, часнок дробна насячы.
Дадаць зялёны гарошак i ўсё перамяшаць. Упрыгожыць кветкавымi стрэлкамi часнаку.
* Адвараная ў лупiнах бульба — отваренный в «мундирах» картофель.
ПАЛЯЎНIЧЫ ПАДВЯЧОРАК
Складнiкi: 200 г мяса, 1 яйка, 9 бульбiн, 100 г капусты, 1 морква, 1 цыбулiна, 1 сярэднi памiдор, 1 агурок, 1 чырвоны салодкi перац, 1 цытрына*, перац, соль, 3 ст. лыжкi алею, заечая капуста.
Вымачанае мяса вепрука* здрабнiць два разы на мясасечцы, дадаць яйка, перац, соль. Бульбу абабраць, памыць i спецыяльным нажом зрабiць паглыбленнi ў кожнай бульбiне (стужкi–«спружынкi», якiя атрымаюцца, можна выкарыстаць для iншых страў). Накрыпаць* бульбу сечаным мясам, загарнуць у кулiнарную фольгу, закапаць у гарачае вуголле цi паставiць запякацца ў духоўку.
Тым часам прыгатаваць паляўнiчую салату: капусту i цыбулю нашаткаваць, моркву нацерцi на буйной тарцы, салодкi перац нарэзаць саломкай, памiдоры — скрылькамi, агуркi — чварцiнкамi тонкiх кружкоў. Агароднiну перамяшаць, пасалiць, паперчыць, палiць цытрынавым сокам, дадаць алей. Салату пакласцi на талерку, у цэнтры — крыпаную бульбу. Упрыгожыць заечай капустай.
* Цытрына — лимон.
* Вяпрук — дикий кабан.
* Накрыпаць — нафаршировать.