Фаніпаль набывае еўрапейскую вядомасць

З былога зборачнага цэха СССР Беларусь ператварылася ў высокатэхналагічную вытворчую пляцоўку для ўсёй Еўропы

З былога зборачнага цэха СССР Беларусь ператварылася ў высокатэхналагічную вытворчую пляцоўку для ўсёй Еўропы. Такі асноўны лейтматыў сустрэчы Прэзідэнта з генеральным дырэктарам і ўладальнікам швейцарскай кампаніі “Штадлер Рэйл Груп” Петэрам Шпулерам.



У 2013 годзе гэтая кампанія заключыла кантракт з расійскім “Аэраэкспрэсам” на пастаўку 25 двухпавярховых паяздоў. Пабудаваць іх разлічвалі на заводзе ў Фаніпалі. На жаль, з-за эканамічнага крызісу заказчык змог набыць менш як палову ад плануемага — толькі 11 саставаў. Адпаведна парушыліся і планы фаніпальскай вытворчасці. Таму заклапочанасць сітуацыяй, якая склалася, у Палацы Незалежнасці была ўзаемнай. Аляксандр Лукашэнка сказаў:

— Ведаю, што ёсць пэўныя праблемы на рынку, на якім вы працуеце. Я гатовы абмеркаваць гэтыя пытанні. Вы ў нас стварылі амаль паўтысячы вельмі высокапрадукцыйных працоўных месцаў, займаецеся інавацыямі — гэта, як модна сёння гаварыць, у трэндзе. Вы павінны быць упэўнены, што мы гатовыя працаваць з вамі і рэалізоўваць усе вашы прапановы.

Гендырэктар “Штадлер Рэйл Груп” у дыялогу не абышоў і праблемы:

— “Аэраэкспрэс” адмовіўся ад часткі свайго заказу з-за няздольнасці яго аплаціць. Мы былі вымушаны расцягнуць тыя вытворчыя працэсы, якія былі ў хаду, каб знайсці іншае фінансаванне. Сёння праблема амаль вырашана.

Вось што аб прапановах кампаніі Петэр Шпулер расказаў журналістам:

— Мы праявілі ўласную ініцыятыву і некаторыя заказы, якія планаваліся для заходнееўрапейскіх дзяржаў, перанеслі сюды. Адзін такі заказ датычыцца дзяржаўных чыгунак Нарвегіі. Акрамя таго, у Фаніпалі будзе поўнасцю выконвацца заказ па зборцы трамваяў для гарадскіх ліній Санкт-Пецярбурга.

Акрамя таго, на сустрэчы абмяркоўвалася магчымасць вытворчасці ў Фаніпалі паяздоў для трэцяй лініі Мінскага метро. Такіх, якія ўжо працуюць у берлінскай падземцы і вось-вось выйдуць у тунэлі брытанскага Глазга.

Уладзімір Хромаў
Автор фото: БелТА
Версия для печати
Заполните форму или Авторизуйтесь
 
*
 
 
 
*
 
Написать сообщение …Загрузить файлы?